Cümhuriyyətin 100 illiyi şərəfinə

 

 

 

Buenos-Ayresdə konsert təşkil olunub

 

Azərbaycan Xalq Cümhuriyyətinin 100 illik yubileyi münasibətilə ölkəmizin Argentinadakı səfirliyinin dəstəyi ilə Buenos-Ayres şəhərində caz gecəsi keçirilib.

Səfirlikdən bildiriblər ki, konsert İtaliya arxitekturasının əzəmətli nümunələrindən biri və əsas musiqi mərkəzi olan Usina Del Artenin səhnəsində təşkil edilib.

Konsertdə Latın Amerikası turu çərçivəsində Azərbaycanın Əməkdar artisti, 43-cü Montrö Caz Festivalının qalibi, pianoçu və bəstəkar İsfar Sarabskiqrupu, həmçinin tarzən Şəhriyar İmanov çıxış ediblər.

İ.Sarabskinin pianodaPrelude”, “Limping Stranger”, “Planet” (İ.Sarabski), “Swan Lake” (P.Çaykovski), “Be Witched” (R.Rocers) əsərlərini möhtəşəm ifa etməsi auditoriya tərəfindən alqışlarla qarşılanıb.

Daha sonra Ş.İmanov tarda muğammüasir musiqinin vəhdəti olanCrying waterfall” kompozisiyasını tamaşaçılara təqdim edib. Tarzənin Argentina auditoriyası üçün yeni olan tarda peşəkar ifası sürəkli alqışlarla müşayiət olunub.

Konsertin sonunda ifaçılar birlikdə İ.SarabskininThe Edge” və “Novruz” əsərlərini səsləndiriblər. Azərbaycan musiqiçilərinin peşəkarlığından və milli musiqimizin möhtəşəmliyindən heyrətlənən tamaşaçılar ifaçıları bir neçə dəfə səhnəyə dəvət ediblər.

 

Mədəniyyət.- 2018.- 7 sentyabr.- S.16.