Ötən il Rəssamlar İttifaqında 34 sərgi...

Azərbaycan Rəssamlar İttifaqı 2017-ci ildə müxtəlif mövzulu rəsm sərgisi və ya fotosərgilər üçün nümayiş məkanı olmaqla yanaşı, həm də təşkilatçı qismində çıxış edib. Ötən il Azərbaycan Rəssamlar İttifaqında 13 fərdi, 21 ümumi olmaqla 34 sərgi açılıb. Sənət ocağı həmçinin 20 fotosərginin və 30 rəsm sərgisinin təşkilatçıları sırasında olub.

...Xətai Sənət Mərkəzində 25 sərgi açılıb

Ötən il paytaxtdakı Xətai Sənət Mərkəzi üçün də tədbirlər baxımından zəngin olub. İl ərzində burada 25 rəsm sərgisi açılıb. Sənət mərkəzinin rəhbəri Zahid Əvəzovun sözlərinə görə, uşaqlar üçün 10 rəsm müsabiqəsi təşkil olunmaqla yanaşı, yuxarı yaş qrupuna mənsub fırça ustalarının 15 sərgisi keçirilib. 2017-ci ildə mərkəz həmçinin 12 sərgiyə təşkilatçılıq edib.

Mədəniyyət.- 2018.- 5 yanvar.- S.4.