İzmirdə birgə rəsm sərgisi

 

 

 

Türkiyənin İzmir şəhərində azərbaycanlı rəssam Gülnarə Muxtarova Pamuktürk rəssam Ahmet Rüştünün əsərlərindən ibarət sərgi açılıb.

Sərgidə ümumilikdə 32 rəsm əsəri, o cümlədən azərbaycanlı rəssamın 17 əl işi yer alıb. Onların arasında “Xocalı soyqırımı”, “Çanaqqala döyüşü”, “Ananın duası”, “Qardaşlıq”, “Bakının təsviri” və s. əsərlər var. Türkiyəli rəssamın əsərlərində sosial qeyri-bərabərlik mövzusu təsvir olunub.

Rəssam Gülnarə Muxtarova Pamuk tədbirin məqsədinin Azərbaycanı Türkiyədə daha geniş tanıtmaq olduğunu bildirib. Azərbaycanlı rəssamın əsərlərinin bu ilin sonunda Belçikada da sərgilənməsi planlaşdırılır.

 

Mədəniyyət.- 2019.- 17 aprel.- S.8.