Tanınmış şairin oxucularla növbəti görüşü

 

 

 

Ötən əsrin altmışıncı illərinin sonlarına yaxın dövri mətbuatda şeirləri ilə imzasını tanıdıb, 1980-ci ildə “Səni soraqlaram” adlı ilk kitabı ilə geniş oxucu kütləsi qarşısına çıxan şair-publisist İsmayıl İmanzadənin bu günlərdə ikicildlikSeçilmiş əsərləri”nin birinci cildi çapdan çıxıb.

Doğma ata yurdu Cəbrayıl rayonu, dünyaya göz açdığı Böyük Mərcanlı kəndi işğal olunandan sonra Mingəçevir şəhərində məskunlaşan İsmayıl İmanzadə Yazıçılar Birliyinin iyirmi ildən bəri fəaliyyət göstərən Mingəçevir bölməsinə rəhbərlik edir.

“Mütərcim” nəşriyyatında işıq üzü görən, filologiya elmləri doktoru Rüstəm Kamalın “Evini axtaran səsin sözü” başlıqlı ön sözü ilə təqdim edilən kitabda Vətən sevgisi, Qarabağ yanğısı, əzəli-əbədi məhəbbət motivləri, günümüzün ağrı-acıları və ana təbiətin gözəllikləri ilə yoğrulmuş şeir və poemaları şairin dünyasının aynası hesab etmək olar.

 

Mədəniyyət.- 2019.- 23 avqust.- S.6.