“Nəsimi ili” çərçivəsində rəsm müsabiqəsi

Mədəniyyət Nazirliyi, Azərbaycan Rəssamlar İttifaqı və Şamaxı Rayon İcra Hakimiyyətinin dəstəyi, İsmayıllı Regional Mədəniyyət İdarəsi, Azərbaycan Dövlət Rəsm Qalereyası və Xətai Sənət Mərkəzinin təşkilatçılığı ilə “Nəsimi ili” çərçivəsində Şamaxı rayonunun sakinləri olan uşaq, yeniyetmə və gənclər arasında “Mənim Şamaxım” adlı rəsm müsabiqəsi keçirilir.

Müsabiqə dahi şairin irsinin təbliği, rayonun mədəni həyatının tədbirlərlə zənginləşdirilməsi, əhalinin asudə vaxtının səmərəli təşkili, incəsənətə marağın artırılması, vətənpərvərlik və doğma yurda məhəbbət hissinin aşılanması, istedadlı uşaq və gənclərin üzə çıxarılması məqsədi daşıyır. Müsabiqəyə uşaq, yeniyetmə və 29 yaşına qədər gənclər qatıla bilərlər.

Mədəniyyət.- 2019.- 6 fevral.- S.5.