Andre Moruanın “Vəsiyyətnamə”si Azərbaycan dilində

 

Azərbaycan Dövlət Tərcümə Mərkəzinin növbəti nəşri – məşhur fransız yazıçısı Andre Moruanın “Vəsiyyətnamə” kitabı Azərbaycan dilində işıq üzü görüb.

Kitaba yazıçının müxtəlif illərdə qələmə aldığı 13 hekayəsi (“Bioqrafiya”, “Qızıl pulun qarğışı”, “Mirrina”, “Çərşənbə gününün bənövşələri”, “Vəsiyyətnamə”, “Balzakın günahı ucbatından” və s.), eləcə də dünyaca məşhur “Yad qadına məktublar” romanı daxil edilib.

İncə bədii duyum, dərin psixologizm, klassik düşüncə sahibi olan Morua bioqrafik hekayələr və romanlar ustası kimi tanınır. Yazıçının Şelli, Bayron, Balzak, Hüqo, Düma, Jorj Sand, Turgenev, Çexov və digər dünya ədibləri haqqında qələmə aldığı esse və xatirələri onun memuar ədəbiyyatı janrının parlaq müəllifi kimi də əbədiləşdirib.

Əsərləri dilimizə tanınmış şair, tərcüməçi Mahir Qarayev çevirib. Kitabın redaktoru Rəbiqə Nazimqızıdır.

 

Mədəniyyət.-2019.- 10 iyul.- S.7.