“İrəvan: ensiklopedik foto-toplu

 

Filologiya üzrə elmlər doktoru, professor Cəfər Cəfərovun və filologiya üzrə fəlsəfə doktoru, dosent Cəlal Allahverdiyevin tərtib etdiyi “İrəvan: ensiklopedik foto-toplu” kitabı çapdan çıxıb. Topluda İrəvan mühiti ilə bağlı 110 ziyalı haqqında yığcam məlumat verilir. Tərtibçilərin kitaba daxil etdikləri foto-toplu materialları unudulmuşları, yaddan çıxmışları tarixə çevirməyin nə qədər vacib olduğunu gündəmə gətirir.

“Elm və təhsil” nəşriyyatında işıq üzü görən kitabın redaktoru və ön söz müəllifi filologiya üzrə elmlər doktoru, professor Buludxan Xəlilovdur.

B.Xəlilov ön sözdə yazır ki, topludakı hər şəklin arxasında bir tarix dayanır. Fotolarda yaşayan tarixin özü də ən gərəkli mənbə, qaynaq rolunu oynayır. Şəkillər arasında elələri var ki, İrəvanla bağlı möhürdür, silinməyən, itməyən abidədir. Topludakı Göy məscid, İrəvanın qədim görüntüsü, İrəvan yaxınlığındakı Çobankərə kəndindən bir görünüş, Sərdar sarayı, Pənah xanın sarayı, İrəvanda Bazar meydanı və digər fotolar tarixi həqiqətləri təqdim etmək baxımından əvəzsizdir.

 

 

Mədəniyyət.-2019.- 17 iyul.- S.7.