Nəsimi dilinin dialektoloji tədqiqi

AMEA-nın Nəsimi adına Dilçilik İnstitutunun Azərbaycan dialektologiyası şöbəsinin aparıcı elmi işçisi, dosent Qüdsiyyə Qəmbərovanın “İmadəddin Nəsiminin anadilli poetik əsərlərinin diaxronik-dialektoloji tədqiqi” monoqrafiyası nəşr olunub.

Monoqrafiya “Nəsiminin dili və Azərbaycan şivələri” və “Nəsimi irsinin tədqiqi məsələləri” fəsillərindən ibarətdir.

Birinci fəsildə Nəsiminin əsərlərindən seçilmiş fonetik, morfoloji, leksik dialektizmlər tarixi-müqayisəli aspektdə tədqiq olunub. İkinci fəsildə isə müəllifin Nəsimi irsinin frazeologiyası, nitq mədəniyyəti ilə bağlı məqalələri yer alıb.

Mədəniyyət.- 2019.- 19 iyul. S. 7.