Mədəniyyət Nazirliyi sistemində çalışan dövlət qulluqçuları təltif edilib

Azərbaycan Respublikası Prezidentinin 22 iyun 2019-cu il tarixli sərəncamı ilə dövlət qulluğunda səmərəli fəaliyyətlərinə görə bir qrup dövlət qulluqçusu orden və medallara layiq görülüb.

Təltif edilənlərin siyahısında Mədəniyyət Nazirliyi sistemində çalışan dövlət qulluqçuları da var. Nazirliyin Elm və tədqiqatlar sektorunun müdiri Baxışov Vüqar Məmməd oğlu, Texniki təchizat və əmlakın idarə edilməsi şöbəsinin Əmlakın idarə edilməsi sektorunun baş məsləhətçisi Hüseynov Mədalət Ağadəmir oğlu, Biləsuvar Regional Mədəniyyət İdarəsinin rəisi Hüseynov Elçin Sabir oğlu və Xaçmaz Regional Mədəniyyət İdarəsinin rəis müavini Məhərrəmov Elxan İmran oğlu “Dövlət qulluğunda fərqlənməyə görə” medalı ilə təltif edilib.

Mədəniyyət Nazirliyinin kollektivi təltif edilən əməkdaşları təbrik edir və onlara gələcək fəaliyyətlərində daha böyük uğurlar arzulayır.

Mədəniyyət.- 2019.- 26 iyun.- S.3.