Sənətkar ömrünün
səhifələri
Azərbaycan xalqı musiqi mədəniyyətimizin inkişafında böyük xidmətləri olmuş istedadlı sənətkarlar yetişdirmişdir. Haqqında söhbət açacağımız belə sənətkarlardan biri görkəmli bəstəkar, Azərbaycan Milli Konservatoriyasının rektoru, Xalq artisti, professor Siyavuş Kərimidir. 65 yaşı tamam olan sənətkar Azərbaycan musiqisinə, incəsənətinə həsr olunmuş bir yaradıcı ömür yaşayır.
Müasir dünya incəsənətində baş verən proseslərə daimi maraq və diqqət, milli ənənələrə hörmətlə yanaşma onun bədii kredosunu formalaşdırmışdır. Bəstəkar xalq musiqisinə, vətənpərvərlik və digər mövzulara müraciət edərək aktuallığı ilə fərqlənən, milli koloriti özündə ehtiva edən əsərlərlə mədəniyyətimizə öz layiqli töhfələrini verir.
Bəstəkarın yaradıcılıq yoluna qısa bir nəzər salaq.
Siyavuş Kərimi 1954-cü il noyabrın 9-da Bakıda anadan olub. 1972-ci ildə Bülbül adına
Orta İxtisas Musiqi Məktəbinin tar sinfini bitirib, ustad tarzən Əhsən Dadaşovun tələbəsi olub.
1972-77-ci illərdə Ü.Hacıbəyli
adına Azərbaycan Dövlət Konservatoriyasında təhsilini
davam etdirib. 1979-cu ildən başlayaraq Rəşid Behbudovun rəhbərlik etdiyi Mahnı teatrının orkestrində solist musiqiçi, “Azkonsert”in “Aşıqlar” qrupunun, Azərbaycan Televiziyası
və Radiosunun estrada-simfonik orkestrinin bədii rəhbəri, “Cəngi” estrada-folklor ansamblının musiqi rəhbəri, “Azərbaycanfilm”
kinostudiyasının Rafiq
Babayev adına musiqi studiyasında bədii rəhbər işləmişdir. 2001-ci ildən Azərbaycan Milli Konservatoriyasının
rektorudur. O, 2014-cü ildə musiqi təhsili sahəsində səmərəli fəaliyyətinə
görə “Şöhrət”
ordeni ilə təltif edilmişdir. “Saz məktəbi”
dərsliyinin həmmüəllifi,
iki cilddən ibarət “Azərbaycan xalq mahnıları” məcmuəsinin tərtibçisidir.
Ötən əsrin 70-ci illərindən
müstəqil yaradıcılıq
yoluna qədəm qoyan Siyavuş Kəriminin professional bəstəkarlıq
fəaliyyəti üç
istiqamətdə inkişaf
etmişdir: mahnı janrında bəstələr
və aranjiman; teatr musiqisi; kino musiqisi.
O, tələbəlik dövründən
mahnı janrı ilə ünsiyyətə
başlamışdır. Dövlət
Mahnı Teatrında,
“Aşıqlar” vokal-instrumental
ansamblında və “Cəngi” folklor-caz qrupunda işləməsi,
mahnı janrında müxtəlif mövzu və üslubda nümunələri ifa etməsi, təcrübəli
və sevilən mahnı ifaçıları
ilə işbirliyi qurması, xalq və bəstəkar mahnılarını aranjiman
etməsi yaradıcılığında
mahnı janrının
üstünlük etməsini
şərtləndirmiş və
onu peşəkar mahnı bəstəkarı
kimi formalaşdırmışdır.
Siyavuş Kəriminin bəstəkarlıq
fəaliyyətində daha
bir istiqamət teatr incəsənəti ilə sıx bağlıdır. Bu sahədə
bir çox uğurlara imza atmışdır. Onun teatr
musiqisində müxtəlif
janr və üslublarda yazılan dram
əsərlərinin tamaşaları
yer almışdır.
Misal olaraq, V.Şekspirin “Hamlet”, M.F.Axundzadənin
“Sərşüzəşti-vəziri-xani-Lənkəran”,
C.Cabbarlının “Almaz”,
H.Cavidin “Afət”, Ə.Əmirlinin “Şah Qacar”, T.Cücenoğlunun
“Uçqun” və digərlərini göstərə
bilərik.
Siyavuş Kəriminin yazdığı
kino musiqisi də müxtəlif janrlı və məzmunlu filmləri əhatə etmişdir: sənədli, bədii filmlər; tarixi, vətənpərvərlik, məhəbbət,
yumoristik mövzulu filmlər və s. Bəstəkarın musiqi yazdığı filmlərin
sayı otuza yaxındır. Onlardan bəzilərini xatırladaq:
“Qaravəlli” (1989), “Şahid
qız” (1990),
“Sarı gəlin”
(1998), “Yuxu” (2001), “Ovsunçu”
(2002), “Biz qayıdacağıq” (2007), “Dərvişin qeydləri”
(2013) və s. Məhz
bu sahədə qazandığı etimad və nüfuza görədir ki, bəstəkar Azərbaycan
Respublikası Kinematoqrafçılar
İttifaqının İdarə
heyətinə üzv
seçilmişdir.
Siyavuş Kərimi çağdaş
musiqi tariximizdə beynəlxalq miqyaslı bir çox layihələrin müəllifi
və rəhbəri kimi də tanınır. Əsası 2002-ci ildə qoyulan belə layihələrdən
biri Latın Amerikası və Azərbaycan musiqiçilərinin
birgə fəaliyyəti
elə həmin ildə Bakıda keçirilmiş konsertlə
başlamışdır. Siyavuş Kəriminin
“Trans Atlantik Non Stop” layihəsi
əsasında gerçəkləşən
konsertdə Azərbaycan
tərəfdən Elçin
Həşimov, Elnur Əhmədov, Şirzad Fətəliyev, Kamran Kərimovla yanaşı Siyavuş Kərimi özü də çıxış
etmişdir. Həmin konsertdən sonra “Altiplano” qrupunun ifası Rafiq Babayev adına
səsyazma studiyasında
lentə alınmış,
2002-2006-cı illərdə həmin studiyada sintez üçün işlənilib hazırlanmışdır.
Onu da nəzərinizə
çatdıraq ki,
“Trans Atlantik Non Stop” layihəsi
sonradan İsveçin
paytaxtı Stokholmda da təqdim olunmuş, 2007-ci ildə Norveçdə hazırlanmış
alboma daxil edilmiş, həmçinin
Moskvanın “Dünya albomları” musiqi onluğuna daxil olmuşdur.
Daha bir layihə Siyavuş Kəriminin Azərbaycan və Cənubi Amerika musiqiçiləri ilə birgə hazırladıqları “Salam-Hola”
layihəsidir. 2011-ci ildə
Heydər Əliyev Sarayında Mədəniyyət
və Turizm Nazirliyi və Azərbaycan Milli Konservatoriyasının təşkilatçılığı
ilə reallaşan konsertdə Ekvadordan olan “Altiplano” musiqi qrupu ilə
Azərbaycan musiqiçilərinin
birgə ifa etdikləri sintez musiqi böyük əks-səda doğurmuşdur.
Digər
layihə Azərbaycan-Norveç mədəni əlaqələri haqqındadır.
Siyavuş Kərimi ilk dəfə
olaraq Norveç musiqiçiləri ilə
Azərbaycan musiqiçilərinin
əməkdaşlığı əsasında ərsəyə
gələn layihənin
təşəbbüskarı və təşkilatçısı
olmuşdur. Bu, Norveçin
“Skruk” xoru və azərbaycanlı musiqiçilərin iştirakı
ilə həyata keçirilmiş “The land we come from” (“Bizim gəldiyimiz ölkə”) layihəsidir.
Layihə səyyah və
alim Tur Heyerdalın Azərbaycanla
Norveç tarixi əlaqələrinin üzə
çıxarılmasına xidmət edən ekspedisiyaların əks-sədası
kimi meydana gəlmişdir. Layihənin musiqi
tərtibatçısı, koordinatoru və aranjimançıları Siyavuş
Kərimi və Norveçdə yaşayan
azərbaycanlı bəstəkar
Qalib Məmmədovdur.
1996-cı ildə Siyavuş
Kərimi Azərbaycan
və Norveç xalqlarının musiqi sahəsində əməkdaşlığının
məhsulu kimi “Bizim gəldiyimiz ölkə” adlı ilk kompakt diskini hazırlayıb musiqi ictimaiyyətinə təqdim
etmişdir.
Bu qədər gərgin
yaradıcılıq işlərinin
arasında Siyavuş Kəriminin 2001-ci ildən
rəhbərlik etdiyi Azərbaycan Milli Konservatoriyasında da milli musiqi mədəniyyətinin
öyrənilməsi, dünyaya
inteqrasiyası istiqamətində
mühüm işlər
görülür. AMK ilə müxtəlif ölkələrin təhsil
müəssisələri arasında
davamlı tədbirlər,
konfrans və müştərək layihələrin
keçirilməsi də
bu işlər sırasındadır.
Yaradıcılığının kamillik dövrünü yaşayan sənətkar yüksək peşəkarlıq
prinsiplərinə sadiq
qalaraq milli musiqi mədəniyyətimizin
tərəqqisi naminə
çalışır. Siyavuş Kəriminin
fəaliyyətinin çoxşaxəliliyi,
məzmunu onu Azərbaycan musiqi mədəniyyətinin dəyərli
simalarından biri kimi tanıdır və gələcək nəsillərə də belə tanıdacaq.
Jalə QULAMOVA
Milli Konservatoriyanın elmi katibi, sənətşünaslıq
üzrə fəlsəfə doktoru
Mədəniyyət.- 2019.- 6
noyabr.- S.6.