“Oturacaqlar” “Ümid” kinoforumunda mükafat qazanıb
Bişkek şəhərində MDB ölkələri gənc rejissorlarının VII “Ümid” kinoforumu keçirilib. Görkəmli qırğız aktyoru, SSRİ Xalq artisti Suymenkul Çokmorovun xatirəsinə həsr olunan forumda MDB ölkələri rejissorlarının ümumilikdə 32 qısametrajlı filmi nümayiş etdirilib.
Ölkəmiz Orxan Ağazadənin “Oturacaqlar” və Daniel Quliyevin “Yaramaz” filmləri ilə təmsil olunub.
Tədbir çərçivəsində ustad dərsləri də keçirilib.
Forumun sonuncu
günü qaliblərin adları
açıqlanıb. Münsiflər heyətinin qərarı
ilə milli nominasiyada
qırğız rejissoru Aydan
Topçubaevanın “Ayana”, beynəlxalq nominasiyada isə Orxan
Ağazadənin “Oturacaqlar” filmləri
“Ən yaxşı film” seçilib.
Mədəniyyət.- 2019.- 15 noyabr.- S.3.