Parisdə Mədəniyyət Nazirlərinin Forumu

 

 

Nazir Əbülfəs Qarayev “Mədəniyyət və irsdialoqsülh üçün bərpa olunan enerjimövsusunda paneldə çıxış edib

 

Parisdə – UNESCO-nun mənzil-qərargahında təşkilatın Baş Konfransının 40-cı sessiyası davam edir. Noyabrın 19-da sessiya çərçivəsində Mədəniyyət Nazirlərinin I Forumu keçirilib. Forumda 100-dən çox ölkənin naziri iştirak edib.

Forumu açıq elan edən UNESCO-nun baş direktoru Odre Azuley tədbirin əhəmiyyətini vurğulayıb. O, Baş Konfrans çərçivəsində ilk dəfə keçirilən Forumun həm üzv dövlətlər arasında, həm də üzv dövlətlərlə təşkilat arasında əməkdaşlığın inkişafına töhfə verəcəyini qeyd edib.

Forum çərçivəsində “Mədəniyyət və irsdialoqsülh üçün bərpa olunan enerji”, “Təhsildə mədəniyyət – insan inkişafı və innovasiya üçün fundamental ölçü”, “Dayanıqlı inkişaf və məşğulluq üçün mədəniyyət və yaradıcılığa investisiya qoyuluşu” və “İctimai məkanda mədəniyyət – sosial və şəhər transformasiyasının təkanverici qüvvəsi” mövzularında dörd panel təşkil olunub.

Azərbaycan Respublikasının Mədəniyyət naziri Əbülfəs Qarayev “Mədəniyyət və irsdialoqsülh üçün bərpa olunan enerjimövzusuna həsr olunmuş paneldə çıxış edib. Nazir çıxışında mədəniyyət və mədəni irsin qorunması sahəsində ölkə və beynəlxalq səviyyədə həyata keçirilən tədbirlər barədə məlumat verib, Azərbaycanda müxtəlif etnikdini mənsubiyyətə malik insanların ənənələrini qoruyub saxlamaqla əsrlərdir sülh şəraitində birgə yaşadıqlarını vurğulayıb. Həmçinin ölkədə mövcud olan mədəni və dini abidələrin qorunması və bərpasına xüsusi diqqət yetirildiyi, bu sahədə Heydər Əliyev FondununFondun prezidenti, UNESCO-nun xoşməramlı səfiri Mehriban xanım Əliyevanın müstəsna rolu diqqətə çatdırılıb.

Əbülfəs Qarayev mədəniyyətlər və dinlərarası dialoqun inkişafında 2008-ci ildən ölkə başçısının təşəbbüsü ilə həyata keçirilən “Bakı Prosesinin rolunu vurğulayaraq bu təşəbbüs çərçivəsində reallaşdırılan Dünya Mədəniyyətlərarası Dialoq Forumunun mədəni müxtəliflik və dialoqu təşviq etməklə dünyada dayanıqlı inkişafa töhfə verdiyini bildirib.

Birinci paneldə Azərbaycanla yanaşı Əlcəzair, Andorra, Anqola, Benin, Xorvatiya, Nikaraqua, Hindistan, Burkina-Faso, Konqo, Fransa, Şimali Makedoniya, Mavritaniya, ParaqvayÇinin mədəniyyət sahəsinə məsul nazirləri də çıxış edib.

Qeyd edək ki, Mədəniyyət naziri Əbülfəs Qarayev səfər çərçivəsində Parisdə bir sıra görüşlər keçirib.

 

Mədəniyyət.- 2019.- 20 noyabr.- S.1.