Sumqayıt şəhərinin
inkişafında xidmətləri olan
şəxslər təltif edilib
Azərbaycan Respublikasının Prezidenti İlham Əliyev noyabrın 20-də Sumqayıt şəhərinin 70 illiyi münasibətilə və şəhərin sosial-iqtisadi inkişafında xidmətlərinə görə bir qrup şəxsin təltif edilməsi haqqında sərəncamlar imzalayıb.
Şəhərin sosial-iqtisadi inkişafında xidmətləri olan şəxslərə “Əməkdar mədəniyyət işçisi”, “Əməkdar müəllim”, “Əməkdar həkim”, “Əməkdar jurnalist” və “Əməkdar mühəndis” fəxri adları verilib. Həmçinin bir qrup şəxs 3-cü dərəcəli “Vətənə xidmətə görə” ordeni, 3-cü dərəcəli “Əmək” ordeni, “Tərəqqi” medalı və “Azərbaycan Respublikası Prezidentinin fəxri diplomu” ilə təltif edilib.
Prezident İlham Əliyevin noyabrın
21-də imzaladığı sərəncamlarla şəhər
İcra Hakimiyyətinin
başçısı Zakir Fərəcov
1-ci dərəcəli “Vətənə xidmətə görə”
ordeni ilə təltif edilib,
həmçinin şəhərin sosial-iqtisadi
inkişafında xidmətlərinə görə dörd nəfərə Prezidentin
fərdi təqaüdü verilib.
Mədəniyyət.- 2019.- 22
noyabr.- S.2.