Dirijor Əşrəf Həsənovun xatirəsi yad edilib

Azərbaycan Musiqi Mədəniyyəti Dövlət Muzeyinin filialı olan Niyazinin mənzil-muzeyində oktyabrın 2-də “Klassik musiqi həvəskarları klubu” tərəfindən “Azərbaycan dirijorları” layihəsinin tədbiri keçirilib. Tədbir görkəmli dirijor, Xalq artisti Əşrəf Həsənovun 110 illiyinə həsr olunub.

Tədbirdə Musiqi Mədəniyyəti Dövlət Muzeyinin direktoru, Əməkdar mədəniyyət işçisi Alla Bayramova giriş sözü söyləyib.

Muzeyin elmi işçisi Əzirə Abdullayeva layihə və Əşrəf Həsənov haqqında ətraflı məlumat verib.

Çıxışlar muzeyin arxiv materialları əsasında hazırlanmış slayd-şou ilə müşayiət olunub.

Tədbirdə Əşrəf Həsənovun dirijorluq etdiyi operadan videoyazı nümayiş edilib. Bakı Musiqi Akademiyasının, Bülbül adına Orta ixtisas musiqi məktəbinin tələbələrinin və Qara Qarayev adına Mərkəzi İncəsənət Məktəbi şagirdlərinin ifalarında konsert proqramı təqdim olunub.

Mədəniyyət.- 2019.- 4 oktyabr.- S.5.