Xalq mahnıları festivalı sona çatdı
Mədəniyyət Nazirliyinin Mədəniyyət
üzrə Elmi-Metodiki
və İxtisasartırma
Mərkəzinin (MEMİM) və
Azərbaycan Televiziyası
“Mədəniyyət” kanalının
birgə təşkilatçılığı
ilə 8-13 oktyabr tarixində keçirilən
II Azərbaycan Xalq Mahnıları Festivalı
sona çatdı.
Oktyabrın 13-də Beynəlxalq Muğam Mərkəzində
festivalın bağlanış
mərasimi keçirildi.
Festivalın son günü gənc xanəndələrin ifasında
xalq mahnılarımız
təqdim olundu. Muğam
televiziya müsabiqəsinin
laureatları olan gənc xanəndələr
Abgül Mirzəliyev,
Elgiz Əliyev, Almaxanım Əhmədli,
Günay İmamverdiyeva,
Rəvanə Qurbanova,
Sərxan Bünyadzadə,
Elnur Zeynalov və digər ifaçılar Azərbaycan
Televiziyası və Radiosunun Əhsən Dadaşov adına “Xatirə” xalq çalğı alətləri
ansamblının (bədii
rəhbər – Xalq artisti Adil Bağırov)
müşayiəti ilə
çıxış etdilər.
Gecədə “Qaragilə”, “Sarı
gəlin”, “Süsən
sünbül”, “Bəri
bax” kimi dillər əzbəri olan mahnılarımız səsləndi.
Qeyd edək ki, layihənin
iştirakçıları Azərbaycan Milli Konservatoriyası, Beynəlxalq
Muğam Mərkəzi,
Azərbaycan Dövlət
Akademik Filarmoniyası,
AMEA-nın Folklor İnstitutu, Bakı Musiqi Akademiyası, Mədəniyyət və
İncəsənət Universitetidir.
Festivalın keçirilməsində məqsəd
Azərbaycan Radiosunun
“qızıl fond”unda olan, eyni zamanda
regionlarda illərlə
nəsildən-nəslə ötürülən xalq
mahnılarının tamaşaçılara
təqdim edilməsidir. Festivalın
baş məsləhətçi
Milli Konservatoriyanın
rektoru, Xalq artisti Siyavuş Kərimi, bədii rəhbəri Əməkdar
artist Ramil Qasımov, musiqi redaktoru Riad Quliyev, koordinatoru
sənətşünaslıq üzrə fəlsəfə
doktoru Səadət Təhmirazqızıdır.
LALƏ
Mədəbiyyət.-2019.- 16
oktyabr.- S.2.