“Şəhidlərimizi tanıyaq və tanıdaq”

Bakı Şəhər Mədəniyyət Baş İdarəsi Xətai rayon Mərkəzləşdirilmiş Kitabxana Sistemi (MKS) “Şəhidlərimizi tanıyaq və tanıdaq” layihəsinə başlayıb.

Baş idarədən bildirilib ki, layihənin məqsədi Vətən torpağı uğrunda canını fəda etmiş şəhidləri daha geniş auditoriyaya tanıtmaqdan ibarətdir.

Layihənin ilk təqdimatı Xətai rayon MKS-nin əməkdaşı Sevinc Kazımovanın qardaşı şəhid Mehman Salman oğlu Quliyevə həsr edilib.

Mehman Quliyev Ağdamın Keştazlı kəndində anadan olub. Şelli, Mərzili, Gülablı, Abdal, Novruzlu döyüşlərində igidliklə vuruşub. 1993-cü il avqustun 15-də Ağdamın Qaradağlı kəndi uğrunda gedən qanlı döyüşdə qəhrəmanlıqla şəhid olub. Bərdə rayonu Koroğlu kəndində dəfn edilib.

Mədəniyyət.- 2020.- 28 avqust.- S.4.