Gürcüstandakı soydaşlarımızın qısametrajlı filmləri

 

 

Gürcüstanda fəaliyyət göstərən azərbaycanlı icma təşkilatlarına daxil olanEra Teatrı” ilə Gürcüstan Azərbaycanlılarının İnteqrasiya Mərkəzinin birgə layihəsi əsasında elan olunmuş qısametrajlı film müsabiqəsinə yekun vurulub.

 

Diasporla İş üzrə Dövlət Komitəsindən verilən məlumata görə, mayın 6-dan 27-dək müsabiqənin erateatri@gmail.com ünvanına 10-dan çox qısametrajlı film göndərilib. Müsabiqənin gedişində yaradıcılıq fantaziyaları ilə yanaşı, filmlərdə mövzuların aktuallığına, malik olduğu sosial çağırışlara da diqqət yetirilib.

 

Sosial şəbəkə izləyicilərinin rəğbətini də nəzərə alan münsiflərin qərarına əsasən, I yerə Sahil HüseynovunYuxu”, II yerə Elnur Vəlizadənin “Ölümün rəngi”, III yerə Sənan və Kənan Şərifovların “Qumar qurbanı” filmləri layiq görülüb.

 

Era Teatrı”nın bədii rəhbəri Anar Rafiqoğlu bildirib ki, təşkilatçılar COVİD-19 pandemiyası ilə əlaqədar Gürcüstanda elan olunmuş karantin dövründə yaranmış boşluğun aradan qaldırılması və soydaşlarımızın diqqətini yaradıcılığa cəlb etmək məqsədilə bu layihəni gerçəkləşdiriblər. Müsabiqənin məqsədi həm də gənclər arasında incəsənətin teatrkino sahələrinə marağı artırmaqdır.

 

Gürcüstan Azərbaycanlıları İnteqrasiya Mərkəzinə xüsusi təşəkkürünü bildirən bədii rəhbər qeyd edib ki, dəstək göstəriləcəyi təqdirdə gələcəkdə də müxtəlif müsabiqələr təşkil etmək niyyətindədirlər.

 

Mədəniyyət.- 2020.- 10 iyun.- S.5.