Qavaldaş festival-müsabiqəsində birinci yer

Xəbər verdiyimiz kimi, Təhsil Nazirliyi Respublika Uşaq-Gənclər İnkişaf Mərkəzinin təşəbbüsü ilə uşaq gənclər arasında keçirilən Qavaldaş zərb çalğı alətləri ifaçılığı üzrə III Respublika I Beynəlxalq onlayn festival-müsabiqəsinə yekun vurulub.

 

Bakı şəhəri Səid Rüstəmov adına 13 nömrəli Musiqi məktəbinin nağara ixtisası üzrə şagirdi Əliağa Cəfərzadə beynəlxalq festival-müsabiqədə birinci yerə layiq görülüb.

 

Layihənin məqsədi uşaq gənclərin istedadlarının üzə çıxarılması, zərb çalğı alətlərinin təbliği, Azərbaycanın milli ritm sənətinin layiqincə təmsili, milli musiqi alətlərinin mədəni irsin qorunması, o cümlədən nağara alətinin dünyada təbliği, bu sahədə gənc nəslin bilik bacarıqlarının artırılmasıdır.

 

Mədəniyyət.- 2020.- 8 may.- S.7.