Boğulmaq da olmur, dayazdı dünya

 

Kiyevdə Salam Sarvanın kitabının təqdimatı

 

Ukrayna Milli Ədəbiyyat Muzeyində Azərbaycanın tanınmış şairi Salam Sarvanın şeirlər  toplusunun təqdimat mərasimi keçirilib.

 

Boğulmaq da olmur, dayazdı dünya” («² ïîòîíóòè íåìîæëèâî, íåãëèáîêèè̆ öåè̆ ñâ³ò...») adlı nəşr Azərbaycan Dövlət Tərcümə Mərkəzinin layihəsidir.

 

Kitabın çapı təqdimatı Ukrayna Milli Elmlər Akademiyasının Taras Şevçenko adına Ədəbiyyat İnstitutunun Sammit-kniqanəşriyyatının dəstəyi ilə həyata keçirilib.

 

Taras Şevçenko adına Ədəbiyyat İnstitutunun direktor müavini, akademik Nikolay Sulıma tədbiri açaraq Ukrayna ilə Azərbaycan arasında zəngin tarixə malik ədəbi əlaqələr barədə danışıb.

 

Tədbirin keçirilməsinə dəstək verən Ukrayna Milli Ədəbiyyat Muzeyinin böyük elmi işçisi Sofiya Fecora çıxışında Azərbaycan Dövlət Tərcümə Mərkəzi ilə əməkdaşlığa bundan sonra da hazır olduqlarını bildirib.

 

Mərasimdə kitabın tərcüməçisi Lesya Mudrak, layihənin məsul katibi Marina Qonçaruk, Ukrayna Milli Aviasiya Universitetinin Beynəlxalq Münasibətlər İnstitutunun professoru Arif Quliyev, şairlər Dmitri Çistyak, Sergey Savin, Yuliya Qupalyuk, Taras Şevçenko adına Kiyev Milli Universitetinin Azərbaycan filologiyası üzrə müəllimi İrina Dəmirəzən başqaları çıxış ediblər, kitabdan şeirlər oxunub.

 

 

 Mədəniyyət.- 2020.- 16 sentyabr.- S.8.