Ukrayna Prezidentindən Xalça Muzeyindəki audiobələdçi ilə bağlı paylaşım

 

 

Ukrayna Prezidenti Vladimir Zelenski özününTwitter” səhifəsində Azərbaycan Milli Xalça Muzeyində Ukrayna dilində audiobələdçinin yaradılması ilə bağlı paylaşım edib.

 

Xalça Muzeyindən bildirilib ki, audiobələdçinin yaradılması barədə razılıq 2019-cu ilin dekabrında Ukrayna Prezidentinin Azərbaycana səfəri çərçivəsində bu ölkənin birinci xanımı Yelena Zelenskaya Milli Xalça Muzeyini ziyarət edərkən əldə edilmişdi.

 

Audiobələdçi bu il avqustun 24-də, Ukraynanın Müstəqillik Günündə təqdim olunub.

 

Bundan öncə muzeydə Azərbaycan, rus, ingilis və fransız dillərində audiobələdçilər istifadəyə verilmişdi. Artıq ukraynalı qonaqlar da Azərbaycan Milli Xalça Muzeyinin zəngin ekspozisiyasını öz doğma dillərində audiobələdçinin müşayiəti ilə ziyarət edə biləcəklər.

 

Mədəniyyət.- 2020.- 25 sentyabr.- S.8.