Teatrlarda yeni səhnə layihələri

2020-ci ilin ilk həftəsini əsasən uşaqlara ayıraraq tamaşalar göstərən, bayram şənlikləri təşkil edən teatrlar yeni səhnə layihələri üzərində çalışmaları da davam etdirirlər.

Azərbaycan Dövlət Akademik Musiqili Teatrı bu il tamaşaçılara bir neçə yeni səhnə əsəri təqdim etmək niyyətindədir. Onlardan biri vaxtilə teatrda səhnələşdirilərək uzun müddət repertuarda olmuş Səid Rüstəmov və Məmməd Səid Ordubadinin Beş manatlıq gəlin musiqili komediyasıdır. Tamaşanın quruluşçu rejissoru Əməkdar incəsənət xadimi Əsgər Əsgərovdur.

Gürcü dramaturqu Nodar Dumbadzenin Mən, nənəm İlikoİllarion əsərinə rejissor Əhəd Hacıyev quruluş verir. Teatrda həmçinin bəstəkar Ceyhun Allahverdi və yazıçı Pərviz Seyidlinin İstintaq əsəri səhnələşdirilir. Xalq artisti Afaq Bəşirqızı bu tamaşada yeni ampluada seyrçilərin qarşısına çıxacaq.

Azərbaycan Dövlət Kukla Teatrında Xanımana Əlibəylinin 100 illiyi münasibətilə tanınmış uşaq yazarının Cunquş əsəri tamaşa qoyulacaq. Daha bir tamaşa A.Puşkinin Balıqçı və balıq nağılı əsasında (rejissor Anar Məmmədov) hazırlanacaq. Teatrın baş rejissoru Qurban Məsimov Məlikməmməd xalq nağılını yeni quruluşda təqdim edəcək. Səməd Behrənginin Qara balığın nağılı əsəri əsasında tamaşaya isə Namiq Ağayev quruluş verəcək.

Yuğ teatrında da bir neçə tamaşanın məşqləri gedir. Rejissor Mikayıl Mikayılov M.Vişnekin Qoca kloun tələb olunur, Gümrah Ömər Ə.Haqverdiyevin Pəri cadu, Günay Səttarova C.Məmmədquluzadənin Çay dəsgahı əsərlərinə quruluş verirlər. Teatr 2020-ci ildə İ.Vırıpayevin İllüziyalarV.Şekspirin Hamlet əsərlərini də repertuara daxil etməyi planlaşdırır.

 

Mədəniyyət.- 2020.- 10 yanvar.- S.2.