BXA-nın müəllimləri “İnternational Dance Academy”nin fəxri adlarına layiq görülüblər

Bakı Xoreoqrafiya Akademiyasının (BXA) müəllimləri “İnternational Dance Academy” tərəfindən xoreoqrafiya sahəsində əldə etdikləri nailiyyətlərə və rəqs sənətinin tanıdılması istiqamətində fəaliyyətlərin görə fəxri adlarla mükafatlandırılıblar.

BXA-nın İncəsənət fakültəsinin dekan müavini, Əməkdar artist Eteri Cəfərova “İnternational Dance Academy”nin “Fəxri akademik”, BXA-nın klassik rəqs müəllimi, Xalq artisti Kamilla Hüseynova “Fəxri professor”, klassik rəqs müəllimi, Əməkdar mədəniyyət işçisi Sergey Boqdanov “Fəxri professor” adlarına layiq görülüblər.

Qeyd edək ki, “İnternational Dance Academy” 2008-ci ildə Danimarkada Sonny Fredie Pedersen tərəfindən təsis edilib. “İnternational Dance Academy” beynəlxalq miqyasda tanınan və ən üst səviyyədə təhsil vədi verən rəqs akademiyasıdır.

Mədəniyyət.- 2021.- 2 aprel.- S.7.