“Dünyada söz olmasa, nəyə gərək düşüncə”

Respublika Uşaq Kitabxanasının festivalı başa çatıb

Xəbər verdiyimiz kimi, F.Köçərli adına Respublika Uşaq Kitabxanası Nizami Gəncəvinin 880 illik yubileyinə həsr edilmiş “Dünyada söz olmasa, nəyə gərək düşüncə” adlı festival təşkil edib. Dekabrın 6-da başlanan festival dekabrın 13-də “Söz sənəti mülkünün sultanı” adlı onlayn konfransla yekunlaşıb.

Konfransda F.Köçərli adına Respublika Uşaq Kitabxanasının direktoru, Əməkdar mədəniyyət işçisi Ş.Qəmbərova, direktor müavini, Əməkdar mədəniyyət işçisi Zahirə Dadaşova, BDU-nun Filologiya fakültəsinin professoru, fəlsəfə elmləri doktoru Mətanət Abdullayeva, kitabxananın əməkdaşları, Zaqatala MKS-nin direktor əvəzi Leyla Məmmədova, Qusar MKS-nin direktoru Zahir Mustafayev, Qax MKS-nin direktoru Güllü Əhmədova, Balakən MKS-nin direktoru Məryəm Tağıyeva, bölgələrdən kənd kitabxana əməkdaşları iştirak ediblər.

Çıxışçılar festival çərçivəsində görülən işlərdən söhbət açıblar, mövzu ilə bağlı məruzələr dinlənilib.

Mədəniyyət.- 2021.- 15 dekabr.- S.3.