Muzey və qalereyalar
2021-ci ildə
2021-ci il pandemiya
məhdudiyyətləri ilə
müşayiət olunsa
da, ümumiyyətlə,
mədəni proses davam etdi, mədəniyyət
ocaqları müxtəlif
layihələr həyata
keçirdilər. Paytaxtın aparıcı
muzey və qalereyalarının builki fəaliyyətinə qısa
nəzər saldıq.
***
Bu il Milli
İncəsənət Muzeyinin
maddi-texniki bazasının
möhkəmləndirilməsi baxımından əlamətdar
olub. Muzeyin Rəngkarlıq fondunda
rəsm əsərlərinin
yerləşdirilməsi üçün
daha əlverişli, müasir tələblərə
cavab verən şərait yaradılıb.
Rəsm əsərlərini səliqəli,
müasir standartlara uyğun şəkildə
yerləşdirməklə 55 kvadratmetrlik sahədə xüsusi stellajlar vasitəsilə 225 rəsm
əsərinin saxlanılması
təmin olunub.
Muzeydə “Novruz ahəngi” sərgisi keçirilib. “Pol Nadar: Bakıya əsrarəngiz səyahət”
adlı fotosərgi tamaşaçıları 130 il öncənin Bakısına aparıb. “Muzey kolleksiyalarının
toplanması” mövzusunda
beynəlxalq konfrans,
VII Bakı Beynəlxalq
Kitab Sərgisi çərçivəsində muzeyin direktoru, Əməkdar incəsənət
xadimi, professor Çingiz
Fərzəliyevin XIII əsr
miniatürlərinə həsr
edilmiş “Vərqa və Gülşa” kitab-albomunun təqdimatı
keçirilib. “Həyata sevgi ilə: Mikayıl Abdullayev” sərgisi isə SSRİ Xalq rəssamının 100 illik
yubileyinin qeyd olunması haqqında dövlət başçısının
müvafiq sərəncamına
əsasən təşkil
edilib. Zəfərimizin ildönümünə həsr edilən “Mədəniyyətimizin incisi
– Qarabağ” sərgisi
də muzeyin yaddaqalan layihələrindən
olub.
***
Muzey Mərkəzində
Xocalı soyqırımının
28-ci ildönümünə həsr olunmuş “Xocalıda can qaldı”, 20
Yanvar faciəsinə həsr olunmuş “Xatırlayın, yaşadın,
unutmayın!” adlı sərgilər keçirilib. Bundan əlavə, il ərzində “Digital Art Lab” layihəsi
üzrə sərgilər, Xalq rəssamı Böyükağa
Mirzəzadənin anım
gününə həsr
olunmuş tədbir, “Bakı qızları” adlı virtual sərgi, Zəfərimizin ildönümü
münasibətilə sərgi
və s. tədbirlər
təşkil edilib.
***
Azərbaycan Milli Xalça Muzeyi il
ərzində beynəlxalq
layihələrdə, sərgilərdə
iştirak edib, müxtəlif tədbir və layihələr həyata keçirilib. Heydər Əliyev Fondu, Mədəniyyət Nazirliyi və Milli Xalça Muzeyinin təşkilatçılığı
ilə Nizami Gəncəvinin 880 illiyi münasibətilə beynəlxalq
xalça eskizi müsabiqəsi reallaşıb.
“Novruz naxışları”,
“Pişiklər batikada”,
“Zənginləşən xəzinəmiz”
və s. sərgilər,
həmçinin ustad dərsləri təşkil
olunub. “Xalçaçı
günü” peşə
bayramı münasibətilə
“Ənənələrimizi yaşadanlar” adlı tədbir keçirilib.
Prezident İlham Əliyevin sərəncamına
uyğun olaraq Xalq rəssamı Kamil Əliyevin 100 illiyinə həsr olunmuş “Kamil Əliyev: rəssam və dövr” adlı sərgi də sənətkarın
yubileyinə töhfə
kimi yaddaşlara yazılıb.
***
İstiqlal Muzeyi əsasən vətənsevərlik ruhlu
layihələr həyata
keçirib. 44 günlük Vətən müharibəsi
şəhidlərinin əziz
xatirəsinə həsr
olunmuş “Qəhrəmanlar
can verir yurdu yaşatmaq üçün”
adlı layihə üzrə silsilə tədbirlər il
ərzində davam edib. Layihə çərçivəsində “Laçın qartalları”,
“Cəsurlar”, “Vətən
uğrunda”, “Şahinlər”,
“Mübarizlər”, “Əbədiyyət
ünvanı – şəhidlik”
və s. sərgi və tədbirlər qəhrəman Vətən
övladlarının əziz
xatirəsinin yaşadılmasına
xidmət edir. Bundan əlavə, “Örnək miras”, “Zəfər qəhrəmanları”,
“İstiqlala gedən yol” və s. sərgi və tədbirlərlə də
milli tarixi yaddaşa işıq salınıb.
***
AMEA-nın Milli Azərbaycan Tarixi Muzeyi də il ərzində Vətən fədailərinin qəhrəmanlıq irsinin qorunub saxlanılması və təbliği məqsədilə işlər həyata keçirib. “Anadır arzulara hər zaman Qarabağ” adlı sərgidə 2020-ci ilin iyulunda baş vermiş Tovuz döyüşlərinin iki qəhrəmanı – general-mayor Polad Həşimov və polkovnik İlqar Mirzəyev, həmçinin Vətən müharibəsinin 101 şəhid və qazisinin əşyaları nümayiş olunub. Dahi Azərbaycan şairinin 880 illiyi münasibətilə “Nizami Gəncəvi və Azərbaycan Atabəyləri dövləti” adlı sərgi təşkil olunub.
Qeyd edək ki, Musiqi Mədəniyyəti Dövlət Muzeyi, Dövlət Teatr Muzeyi, görkəmli şəxsiyyətlərin ev-muzeyləri, memorial muzeylər də il ərzində müxtəlif səpkili tədbirlərə ev sahibliyi ediblər.
***
Azərbaycan Dövlət Rəsm Qalereyasının təşkilatçılığı ilə il ərzində müxtəlif layihələr həyata keçirilib. Mədəniyyət Nazirliyi və qalereyanın təşkilatçılığı ilə “Nizami Gəncəvinin əsərləri təsviri sənətdə” mövzusunda respublika elmi konfransı gerçəkləşib, “Art Management” adlı silsilə tədbirlər həyata keçirilib. Mədəniyyət Nazirliyi və qalereyanın birgə təşkil etdiyi “Böyük qayıdış. Həsrətin sonu” adlı virtual sərgi torpaqlarımızın azad olunmasında Ordumuzun göstərdiyi qəhrəmanlığa həsr edilib.
Paytaxtdakı Xətai Sənət Mərkəzi də Mədəniyyət Nazirliyi, Azərbaycan Dövlət Rəsm Qalereyası və digər qurumlarla birgə maraqlı layihələrlə istedadlı uşaq və gəncləri bir araya gətirib. Zəfər Günü münasibətilə “Qələbə hünəri” adlı sərgi təşkil olunub. Eyni zamanda 27 sentyabr – Anım Günü münasibətilə “Misilsiz cəsarət” adlı rəsm sərgisi açılıb. Nizami Gəncəvinin 880 illiyinə həsr edilmiş akvarel vorkşopu, “Su və rəng ahəngi – 2021” mövzusunda akvarel sərgisi istedadlı yeni nəsillərin yaradıcılıq imkanlarının genişlənməsinə töhfə olub. İl ərzində mərkəzdə “Azərbaycanım” IV respublika uşaq rəsm festivalı çərçivəsində plenerlər də təşkil edilib.
Savalan Fərəcov
Mədəniyyət.- 2021.- 29
dekabr.- S.4.