Dünya naşirlərinin görüşündə “diqqət mərkəzindəki ölkə”

 

VI “İstanbul Fellowship Program”ın fəxri qonağı Azərbaycan olub

 

Martın 9-dan 11-dək İstanbulda 6-cı Beynəlxalq Naşirlər Görüşü keçirilib. Tədbirdə Azərbaycan fəxri qonaq ölkə qismində iştirak edib.

 

Beynəlxalq İstanbul Təqaüd Proqramı (“İstanbul Fellowship Program”) çərçivəsində ilk belə tədbir 2016-cı ilin martında doqquz ölkənin iştirakı ilə təşkil olunub.  O vaxtdan hər il keçirilən tədbirin məqsədi iştirakçı ölkələrin kitab ədəbiyyatının təbliğinə, nəşriyyatlarının, yazarlarının tanıdılmasına, işgüzar əlaqələrin qurulmasına zəmin yaratmaqdır.

 

Türkiyənin Mədəniyyət Turizm Nazirliyinin dəstəyi, Anadolu Agentliyinin tərəfdaşlığı ilə hazırlanan, Türkiyə Çap Yayım Məslək Birliyi (TBYM) tərəfindən keçirilən tədbir çərçivəsində bu il ilk dəfə təşkil olunanDiqqət mərkəzindəki ölkəbölməsi  Azərbaycana həsr olunub.

 

Qeyd edək ki, ölkəmiz tədbirdə geniş heyətlə təmsil olunub. Heyətdə Mədəniyyət Nazirliyinin nümayəndəsi Lalə Məmmədova, Azərbaycan Yazıçılar Birliyinin katibi, Xalq yazıçısı Çingiz Abdullayev, AMEA-nın vitse-prezidenti, Nizami adına Ədəbiyyat İnstitutunun direktoru, akademik İsa Həbibbəyli, filologiya üzrə fəlsəfə doktoru Mehman Həsənov, həmçininŞərq-Qərb”, “Qanun”, “Hədəf nəşrləri”, “Xan”, “Qədim qala”, “Altun”, “Parlaq imzalar”, “Alatoran”, “Ağıllı bala”, “Üçbucaq”, “Libra” nəşriyyatlarının nümayəndələri Azərbaycan Milli Kulinariya Mərkəzinin əməkdaşları yer alıb.

 

Martın 9-da tədbirin açılış mərasimində çıxış edən Türkiyə Elm Yayma Vəqfi Qəyyumlar Şurasının başqanı Bilal Ərdoğan Azərbaycanı proqramın builkidiqqət mərkəzindəki ölkəolaraq seçilməsi münasibətilə təbrik edib. B.Ərdoğan türk ədəbiyyatının sərhədlərinin genişliyinə diqqət çəkmək üçün ilk olaraq məhz Azərbaycanın seçilməsinin çox doğru seçim olduğunu vurğulayıb.

 

Ölkəmizin nümayəndə heyəti Azərbaycanın İstanbuldakı Baş Konsulluğu əməkdaşlarının da qatıldığı mərasimdə Türkiyə Mədəniyyət Turizm Nazirliyi, Türkiyə Çap Yayım Məslək Birliyi İstanbul Valiliyinin nümayəndələri çıxış ediblər.

 

Bildirilib ki, 60 ölkədən 351 naşirin qatıldığı 6-cı Beynəlxalq Naşirlər Görüşünün proqramına çoxsaylı görüşlər, habelə Azərbaycan kitab sənayesi ədəbiyyatı ilə bağlı müxtəlif tədbirlər daxildir.

 

Açılış mərasiminin sonunda Elm Yayma Vəqfi Qəyyumlar Şurasının sədri Bilal Ərdoğan tərəfindən Azərbaycan nümayəndə heyətinə plaketlər təqdim edilib.

 

Tədbirin ilk günündə müxtəlif adda kitabların nümayiş olunduğu Azərbaycan stendinin görkəmli rəssamlarımızın əsərlərinin fotolarından ibarət sərginin açılışı keçirilib. AzərbaycanınQanunnəşriyyatı türk ədəbiyyatının dilimizə tərcüməsi təbliğinə görə ilk dəfə təqdim olunanİstanbul Müəllif Haqları Mükafatıüzrə II yerə pul mükafatına layiq görülüb.

 

Günün sonunda azərbaycanlı musiqiçilər Dərya Məmmədova, Ələddin Hacıyev, Anar Ələkbərli Hicran Cəfərov sevilən bəstəkar mahnıları ilə qonaqların könlünü oxşayıblar.

 

Martın 10-da, tədbirin ikinci günündə nümayəndə heyətimizin işgüzar görüşləri keçirilib, əməkdaşlıq əlaqələrinin qurulması Azərbaycan kitabının tanıdılması işinə töhfə olacaq razılaşmalar əldə edilib.

 

Görüş çərçivəsindəAzərbaycan ədəbiyyatı Nizami Gəncəvimövzusunda elmi seminar təşkil olunub.

 

Bakı Yunus Əmrə İnstitutunun direktoru Selçuk Karakılıçın moderatoru olduğu tədbirdə çıxış edən AMEA-nın vitse-prezidenti, Nizami adına Ədəbiyyat İnstitutunun direktoru, akademik İsa Həbibbəyli, filologiya üzrə fəlsəfə doktoru Mehman Həsənov yazıçı Azad Ağaoğlu dahi Azərbaycan şairi mütəfəkkiri Nizami Gəncəvinin yaradıcılığı ilə bağlı aparılan tədqiqat işləri, nəşr olunan kitablar, həmçinin Azərbaycan klassik müasir dövr romanları haqqında məlumat veriblər.

 

Həmin günAzərbaycan ədəbiyyatı dünya dillərinə tərcüməsiGerçək fantastika ilə görüşəndə: Çingiz Abdullayevmövzusunda sessiyalar da keçirilib.

 

Azərbaycan ədəbiyyatı dünya dillərinə tərcüməsiadlı sessiyada Azərbaycan ədəbiyyatı haqqında məlumat verilib.

 

Bu bölümün əsas qonağı olan AMEA-nın vitse-prezidenti, Nizami adına Ədəbiyyat İnstitutunun direktoru, akademik İsa Həbibbəyli Prezident İlham Əliyevin 2021-ci ilin AzərbaycandaNizami Gəncəvi İlielan edilməsi haqqında sərəncam imzaladığını xatırladıb. Sonra akademik dahi şair Nizami Gəncəvi yaradıcılığı barədə tədbir iştirakçılarına geniş məlumat verib.

 

Çıxış edənlər Azərbaycan ədəbiyyatı, Azərbaycan romanlarının tarixi barədə məlumat verib, Q.Səidin dünyaca məşhurƏli Nino” romanı haqqında söz açıblar.

 

Gerçək fantastika ilə görüşəndə: Çingiz Abdullayevadlı sessiyanın qonağı Xalq yazıçısı Çingiz Abdullayev olub.  Türkiyənin “April” nəşriyyatının əməkdaşı Nazlı Berivan yazıçının türk dilində nəşr olunan kitabları haqqında tədbir iştirakçılarına məlumat verib. Xalq yazıçısı Çingiz Abdullayev öz yaradıcılığı Azərbaycan-Türkiyə ədəbi əlaqələri barədə sualları cavablandırıb.

 

Beynəlxalq tədbir çərçivəsində həmçinin Bakı Yunus Əmrə İnstitutunun əməkdaşı Nuranə Tağıyevanın moderatorluğu ilə onlayn formatda tanınmış gənc yazarlarımız Aqşin Yenisey, Ramil Əhməd türk ədəbiyyatı üzrə tədqiqatçı Mehdi Gəncəlinin iştirakı ilə müasir Azərbaycan ədəbiyyatına dair videokonfrans təşkil olunub.

 

Azərbaycanın fəxri qonaq ölkə kimi qatıldığı VI İstanbul Beynəlxalq Naşirlər Görüşü martın 11-də başa çatıb.

 

Mədəniyyət.- 2021.- 12 mart.- S.1;2.