13 yaşlı pianoçunun növbəti uğuru

Beynəlxalq müsabiqələr laureatı, Prezident təqaüdçüsü Cəmil Sədizadə növbəti sənət yarışında ölkəmizi uğurla təmsil edib.

 

13 yaşlı pianoçu İsraildə keçirilən və 21 may tarixində yekunlaşan The 5th Scherzo İnternational Piano Competition Tel Aviv müsabiqəsində 2-ci yeri tutaraq laureat adını qazanıb. Pandemiya ilə əlaqədar bu il müsabiqə onlayn formatda keçirilib.

 

Cəmil müsabiqədə 13-16 yaş qrupunda (Advanced kateqoriyası) yarışıb. Bu kateqoriyada ən kiçikyaşlı iştirakçı olsa da, çıxışı münsiflər tərəfindən yüksək qiymətləndirilib. Yeniyetmə pianoçu müsabiqədə Bax, Motsart, PaqaniniŞopenin əsərlərini ifa edib.

 

Cəmil Sədizadə hazırda Bakı şəhəri Rauf Hacıyev adına 15 nömrəli onbirillik Musiqi məktəbində (7-ci sinif) Əməkdar mədəniyyət işçisi Tamilla Məmmədovanın sinfində təhsil alır.

 

Mədəniyyət.- 2021.- 28 may.- S.5.