Romada Nizami Gəncəvinin 880 illik yubileyi

 

2021-ci ilinNizami Gəncəvi İlielan edilməsi haqqında Azərbaycan Respublikası Prezidentinin sərəncamına əsasən keçirilən tədbirlər çərçivəsində Heydər Əliyev Fondunun ölkəmizin İtaliyadakı səfirliyinin təşkilatçılığı ilə Romanın “Villa Borghese” parkında dahi Azərbaycan şairi mütəfəkkirinin 880 illik yubileyi qeyd olunub.

Xatırladaq ki, 2012-ci ildə “Villa Borghese” parkında Heydər Əliyev Fondunun dəstəyi ilə Nizaminin abidəsi ucaldılıb. Abidə Azərbaycanla İtaliya arasında mədəniyyət sahəsində intensiv əməkdaşlıq da daxil olmaqla sıx dostluq əlaqələrinin təcəssümüdür.

Yubiley tədbirinin iştirakçıları Nizaminin abidəsini ziyarət ediblər.

Sonra “Villa Borghese” parkında yerləşən “Casa del Cinema” kinoteatrında bədii-musiqili tədbir keçirilib. Tədbirə Roma Şəhər Meriyasının Mədəniyyət İdarəsi, “Casa del Cinema” kino evi, habeləZetema Progetto Cultura”, “Villa Borghese”, “Luce Cinecittà”, “Rai Cinema”, “01 Rai Cinema SpAkimi mədəniyyət qurumları da təşkilati dəstək göstərib.

Azərbaycanın İtaliyadakı səfiri Məmməd Əhmədzadə, “Sandro Teti Editorenəşriyyat evinin rəhbəri Sandro Teti türkoloq, islamşünaslıq elmləri doktoru Federiko De Renzi çıxış ediblər.

Natiqlər dünya şöhrətli mütəfəkkir Nizami Gəncəvinin irsindən bəhs edərək onun XII əsrdə aparıcı mədəniyyət mərkəzlərindən olan Azərbaycanın Gəncə şəhərində yaşayıb-yaratdığını, Şərqin fəlsəfi-ictimai bədii-estetik düşüncə tarixini zənginləşdirən ecazkar söz sənəti inciləri ərsəyə gətirdiyini vurğulayıblar. Bildirilib ki, Nizami GəncəvininXəmsə”si dünya poetik-fəlsəfi fikrinin zirvəsində dayanır. Mütəfəkkir şairin çox sayda davamçılarından ibarət böyük bir ədəbi məktəbin bünövrəsini qoyduğu, Nizami Gəncəvinin əsərlərinin dünyanın məşhur kitabxana muzeylərini bəzədiyi Şərq miniatür sənətinin inkişafına təkan verdiyi diqqətə çatdırılıb.

Çıxışlarda Gəncədən bəhs edilərkən ötən ilin payızında Vətən müharibəsi zamanı Ermənistan silahlı qüvvələrinin şəhərdə yaşayış məntəqələrində böyük dağıntılara çoxsaylı mülki əhalinin tələfatına səbəb olan dəhşətli hücumları da xatırlanıb.

TədbirdəSandro Teti Editoretərəfindən nəşr olunmuş şərqşünas-alim Yevgeni BertelsinBöyük Azərbaycan şairi Nizami Gəncəvi” (“Il Grande Poeta Azerbaigiano Nizami Ganjavi”) kitabının italyan dilinə ilk akademik tərcüməsi təqdim olunub.

Yubiley tədbiri Nizami GəncəvininYeddi gözəlpoemasının motivləri əsasında 1982-ci ildəAzərbaycanfilmKinostudiyası tərəfindən çəkilmiş, musiqisi Qara Qarayevə məxsusYeddi gözəl” film-baletinin nümayişi ilə davam edib. Nizami Gəncəvinin məşhur poemasının möhtəşəm musiqi dili valehedici balet səhnələri ilə təqdimatı tədbir iştirakçılarının böyük marağına səbəb olub.

Tədbir İtaliya kütləvi informasiya vasitələrinin diqqət mərkəzində olub. Səfir Məmməd Əhmədzadə tədbirə qatılan media nümayəndələrinə müsahibələr verib. Diplomat dahi Azərbaycan şairinin yubiley tədbirinin əhəmiyyəti barədə danışmaqla yanaşı, 8 noyabrda Zəfər Günü münasibətilə Romada keçirilmişAzərbaycanın mədəniyyət paytaxtı Şuşatədbirinin əhəmiyyəti haqqında söz açıb.

Nizami Gəncəvinin yubiley tədbiri haqqında reportajlar, dahi şairin irsinə dair məqalələr, səfir M.Əhmədzadənin müsahibələri yerli televiziya, xəbər agentlikləri, qəzetlər portallarda yayılıb.

 

Mədəniyyət.- 2021.- 26 noyabr.- S.8.