“Fulya”
sənədli filminin təqdimatı olacaq
Oktyabrın 31-də Nizami Kino Mərkəzində
Azərbaycan və Türkiyənin müştərək
istehsalı olan “Fulya” sənədli filminin təqdimatı keçiriləcək.
Film 44 günlük Vətən
müharibəsində türkiyəli
telejurnalist Fulya Öztürk və teleoperator Halil Kahramanın peşə fədakarlığından bəhs
edir, baş verən hadisələrə
onların baxışını
ortaya qoyur. Çəkilişlər bu ilin yayında
Gəncə, Bərdə,
Tərtər və Bakıda aparılıb.
Filmin rejissorları
Aykut Taşkın və Tahir Tahiroviç,
təsvir rejissoru Cengizhan Durmaz, prodüserləri Özcan
Dada və Fariz Əhmədovdur.
Ekran əsəri
“Azərbaycanfilm” Kinostudiyası
ilə Türkiyənin
“Dada Yapım” şirkətinin
birgə istehsalıdır.
Təqdimatda “Fulya”nın yaradıcı heyəti, həmçinin filmin qəhrəmanları – Fulya
Öztürk və Halil Kahraman iştirak edəcəklər.
Xatırladaq ki, “Fulya” filmi
oktyabrın 8-dən etibarən
Türkiyənin, oktyabrın
28-dən etibarən isə
Azərbaycanın kinoteatrlarında
nümayiş olunur.
Mədəniyyət.- 2021.- 29 oktyabr.- S.1.