Həm yaralı, həm də ailənin tək
övladısan...
İkinci Qarabağ müharibəsində ərazi bütövlüyü uğrunda canından keçən qəhrəman oğullardan biri də kiçik çavuş Emin Tahir oğlu İsmayılovdur.
Emin 21
may 2001-ci ildə Bakı
şəhərində anadan
olub. Ailəsi əslən Cəbrayıl
rayonundandır. 1993-cü
ildə rayon Ermənistan
silahlı qüvvələri
tərəfindən işğal
olunanda yurdundan didərgin düşən
ailə sonradan Bakıda məskunlaşıb.
Emin 54 saylı tam orta məktəbi bitirib.
Ailənin tək övladı olan Emin doğma
el-obasının düşmən
tapdağında qalması
ilə heç cürə barışmır,
qisas gününü
səbirsizliklə gözləyirdi. O, 2019-cu ildə
həqiqi hərbi xidmətə yollanır. Goranboy rayonundakı N saylı hərbi hissədə xidmətdə olduğu vaxtda Vətən müharibəsi başlanır.
Emin də torpaqlarımızın
işğaldan azad olunması və ərazi bütövlüyünün
bərpa edilməsi zamanı döyüş əməliyyatlarında yüksək
peşəkarlıqla iştirak
edir. Suqovuşan, Kəlbəcər istiqamətində gedən
ağır döyüşlərdə
böyük şücaət
göstərir. Çox sayda
yaralı və şəhidlərimizi döyüş
meydanından çıxarır.
Döyüşlərin birində ayağından güllə yarası alır. Yaralı olmasına baxmayaraq,
əsgər yoldaşlarını
tək buraxmır, doqquz yaralını döyüş meydanından
çıxarmağa nail olur.
Komandiri onun yaralı və evin tək
oğlu olduğunu nəzərə alaraq əmr edir ki,
çox irəli getməsin. Lakin Emində olan
mərdlik, Vətənə
bağlılıq hissinin
qarşısını heç
kəs ala bilmir.
O, oktyabrın 6-da Kəlbəcər
rayonu istiqamətində
gedən ağır döyüşlərdə qəhrəmancasına
şəhid olur.
Şəhidin xalası oğlu
Elvin Əhmədov deyir:
“O da, mən də ailənin tək övladı olduğumuz üçün
aramızda xalaoğlu
yox, qardaş bağı var idi. Vətən müharibəsi başlayanda
Emin mənə belə bir mesaj
yazdı: “Qardaş, burada müharibə gedir, Ordumuz irəliləyir. Amma taleyin işini
bilmək olmaz. Anam, xalam sənə əmanətdir. Haqqını halal elə”. Mən də söylədim ki, Emin, məni
qardaşsız qoyma.
Hələ zarafat edərək gəl evdəkilərə özün
bax dedim. Sonuncu dəfə Eminlə sentyabrın 30-da əlaqə
saxladıq. Dedik, güldük,
anamla, xalamla danışdı. O gündən
sonra Eminlə əlaqə qura bilmədik. Noyabrın 26-da şəhid xəbərini aldıq.
Emin Vətənə bağlı
övlad idi. Allah Eminə və
bütün şəhidlərimizə
rəhmət eləsin”.
Emin İsmayılov
noyabrın 27-də II Fəxri
xiyabanda torpağa tapşırılıb. Ölkə
başçısının müvafiq sərəncamları
ilə ölümündən
sonra “Vətən uğrunda”, “Suqovuşanın
azad olunmasına görə” və “Cəsur döyüşçü”
medalları ilə təltif olunub.
Allah rəhmət eləsin.
NURƏDDİN
Mədəniyyət.- 2021.- 29 oktyabr.- S.6.