Lənkəranda Orta əsrlərə aid maddi mədəniyyət nümunələri aşkarlanıb

 

Lənkəran rayonunun Velədi kəndi ərazisində aparılan tikinti işləri zamanı maddi mədəniyyət nümunələri aşkarlanıb.

AMEA-dan bildirilib ki, bu barədə Lənkəran Regional Elmi Mərkəzinə müraciət olunub. Mərkəzin Folklor, etnoqrafiya arxeologiya şöbəsinin aparıcı elmi işçiləri, tarix üzrə fəlsəfə doktorları Samir Kərimov Mais Cəfərov tərəfindən əraziyə baxış keçirilib.

Məlum olub ki, Lənkərançayın sağ sahilindəVelədi Gərmətük kəndlərinin arasında yerləşən yeni məhəllədə hasar tikintisi ilə əlaqədar qazılan xəndəkdə 40 sm dərinlikdən Orta əsrlərə aid şirsiz şirli saxsı məmulatları aşkarlanıb. Tapılan məmulatlar burada mədəni təbəqənin qalınlığı 1 metrdən çox, təqribən 2 ha sahəyə malik olan IX-XI əsrlərə aid yaşayış yerinin mövcudluğunu deməyə əsas verir. Abidə üzərində Velədi kəndinin yeni məhəlləsi salındığından mədəni təbəqə ciddi dağıntılara məruz qalıb onun mikroreylefi pozulub. Həmin ərazidən təqribən 1 km şərqdə isə həyətlərin birində quyu qazılarkən təqribən 3-4 m dərinlikdən Erkən Orta əsrlərə aid buxurdan saxsı qazan tapılıb.

Alimlərin fikrincə, abidələrdə mədəni təbəqənin xarakterini dəqiq müəyyən etmək üçün gələcəkdə arxeoloji qazıntıların aparılması zəruridir.

 

 

Mədəniyyət.- 2022.- 17 avqust.- S.7.