Aktyor Natiq Fərzəliyev 60 yaşını “Sehrli tütək”lə qeyd edib

Bakı Şəhər Mədəniyyət Baş İdarəsi Bakı Uşaq və Gənclər Teatrının tanınmış aktyoru Natiq Fərzəliyevin 60 illik yubileyi münasibətilə “Sehrli tütək” tamaşası nümayiş olunub.

Tamaşa yanvarın 29-da paytaxtın Suraxanı rayonundakı Q.Abbasov adına Mədəniyyət Sarayında təqdim edilib.

Natiq Fərzəliyev 1962-ci il fevralın 1-də Yevlax rayonunda anadan olub. 1987-ci ildə Azərbaycan Dövlət İncəsənət İnstitutunun Mədəni-maarif fakültəsini bitirib. 1981-ci ildən Dövlət Gənclər Teatrında aktyor kimi çalışıb. 2009-cu ildən isə Dövlət Gənc Tamaşaçılar Teatrında işləyib. Teatr səhnəsi ilə yanaşı televiziya tamaşalarında da yaddaqalan rollar oynayıb.

Mədəniyyət.- 2022.- 2 fevral.- S.7.