Azad edilmiş ərazilərdə
turizm inkişafı ilə bağı konsepsiyalar
İşğaldan azad edilmiş ərazilər üzrə Əlaqələndirmə Qərargahı nəzdində fəaliyyət göstərən İdarələrarası Mərkəzin İqtisadi məsələlər üzrə işçi qrupunun iclasında “Daşaltı kəndinin turizm inkişafı konsepsiyası”nın təqdimatı olub.
Dövlət Turizm Agentliyinin əməkdaşı Şuşa rayonunun Daşaltı kəndində turizm sektorunun inkişafı ilə bağlı proqnozlar və investisiya mühitinin əlverişliliyinin artırılması, tələb olunan maliyyə mexanizmləri barədə ətraflı məlumat verib.
Qeyd edilib
ki, Dövlət Turizm
Agentliyi tərəfindən may ayında Kəlbəcər rayonunun
İstisu qəsəbəsinin turizm əsaslı uzunmüddətli və
davamlı inkişafı istiqamətində ərazilərə
baxış keçirilib, istiqamətlər
müəyyən edilib. Rayon
ərazisində turizm resurslarından səmərəli
istifadə, strateji hədəflər, turizm növləri, turizm
və rekreasiya zonalarının
inkişafı istiqamətlərini özündə əks
etdirəcək “Kəlbəcərin turizm
inkişafı konsepsiyası” hazırlanır.
Mədəniyyət.- 2022.- 8 iyun.-
S.4.