“Anadır arzulara hər zaman Qarabağ”

Regional idarə xor müsabiqəsi keçirəcək

Kürdəmir RMİ-nin təşkilatçılığı ilə “Anadır arzulara hər zaman Qarabağ” devizi altında regional xor müsabiqəsi keçiriləcək.

Müsabiqənin məqsədi ölkəmizdə zəngin xor ənənələrinin inkişaf etdirilməsi, uşaq musiqi və incəsənət məktəblərində xor fənninin tədrisi səviyyəsinin yüksəldilməsi, uşaqlarda bu sənətə maraq oyadılması, xormeysterlərin yaradıcılıq fəaliyyətinin təşviqi, eləcə də uşaqlarda vətənpərvərlik hisslərinin, Qarabağ-Şuşa mədəniyyətinin təbliğidir.

“Şuşa İli” çərçivəsində aprel ayında keçiriləcək müsabiqə iki turdan ibarət olacaq. Birinci tur Xocavənd rayon Uşaq musiqi məktəbində, ikinci tur Horadiz şəhər Muğam Mərkəzində təşkil olunacaq. Müsabiqənin yekun turunda incəsənət ustalarının konserti də nəzərdə tutulur.

Müsabiqədə iştirak etmək istəyən uşaq musiqi və incəsənət məktəbləri Kürdəmir RMİ-yə müraciət edə bilər.

Mədəniyyət.- 2022.- 4 mart.- S.4.