Xanın xatirəsi ilə havalanan musiqi axşamı

 

Bu il ölkəmizdəŞuşa İlikimi tarixə düşəcək. Azərbaycan mədəniyyətinin paytaxtı, şeir, sənət, musiqi, muğam beşiyi il ərzində silsilə tədbirlərlə alqışlanacaq...

Qarabağımızın baş tacı qədim şəhərin adı ilə başlayan musiqi, muğam sehrli tədbirlərdən biri martın 5-də Heydər Əliyev Sarayında baş tutdu. Ruhumuza layla deyən muğam təsniflərin bənzərsiz ifaçısı, ölməz Xan Şuşinskinin xatirə gecəsinin sorağı ilə yüzlərlə musiqisevər saraya axın etdi.

Şuşa İliçərçivəsində keçirilən gecə əsl sənət meydanı idi. Muğam təsniflərimiz, xalq bəstəkar mahnılarımız istedadlı ifaçıların zəngulələrində gah zilə qalxıb şahlanır, gah da bəmə düşüb nazlanırdı.

Şuşanın bulaqları kimi qaynayan səslər sırasında Xalq artistləri Mənsum İbrahimov, Nəzakət Teymurova, Alim Qasımov, Mələkxanım Əyyubovanın ifaları dinləyiciləri öz təsirinə salıb ovsunlaya bilmişdi. Bu işdə, sözsüz ki, Xalq artisti Natiq Şirinovun rəhbərliyi iləNatiqritm qrupunun fərqli emosiyada müşayiətinin öz payı var idi.

Zövqlə tərtib olunmuş konsert proqramında Əməkdar artistlər Təyyar Bayramov, Sevinc Sarıyeva, Anar Şuşalı, Babək Niftəliyev, tanınmış xanəndələr Kamilə Nəbiyeva, Səbinə Ərəbli, Mirələm Mirələmov, Anar Quliyev, Rəvanə Qurbanova, Eldəniz Məmmədovun çıxışları da xoş ovqat yaratdı.

Əməkdar artist Nailə Məmmədzadənin rəhbərliyi iləAzərbaycan mirvarisi Bakı Xoreoqrafiya Akademiyasının rəqs ansambllarının ritmik, zərif rəngarəng rəqs çələngi ümumi ovqatın təsir gücünü daha da artırmış oldu.

Onu da qeyd edək ki, ifaçıları Rövşən Qurbanovun rəhbərliyi iləButa” instrumental ansamblı müşayiət edirdi.

Xatirə gecəsində Xan Şuşinskinin repertuarındanMahur-hindi”, “Bayatı-Qacar”, “Qatar” muğamları, “Qarabağ şikəstəsi”, “Arazbarı”, “Heyratızərbi muğamları ilə yanaşı, xalq mahnıları təsniflər ifa olundu. Həmçinin, Xan Şuşinskinin bəstələdiyiQəmərim”, “Şuşanın dağları”, “Ay gözəl”, “Məndən gen gəzmə”, “Al yanağında”, “Dağlarda çiçək”, “Gözəl yarım”, “Dilbərim”, “Ay qəşəng Ceyran”, “Ay qara qız”, “Qızılgülkimi dillər əzbəri olan mahnıları da ifa olundu.

 

Həmidə

 

Mədəniyyət.- 2022.- 11 mart.- S.1;3.