Özbəkistanda “Azərbaycan mədəniyyəti
və ədəbiyyatı günləri” başa
çatıb
Daşkənddəki Heydər Əliyev adına Azərbaycan Mədəniyyət Mərkəzi (AMM), Azərbaycan Respublikası Mədəniyyət Nazirliyi, Milli Məclisin Mədəniyyət komitəsi və Özbəkistanın bir sıra qurumlarının iştirakı ilə Özbəkistanda növbəti “Azərbaycan mədəniyyəti və ədəbiyyatı günləri” başa çatıb.
16-22 oktyabr tarixlərini əhatə edən tədbirlər paytaxt Daşkəndlə yanaşı, Buxara, Nəvai vilayətlərini də əhatə edib.
AMM-dən verilən məlumata görə, Buxara şəhərinin Gənclər Mərkəzində keçirilən tədbirdə Azərbaycandan gələn qonaqlar, rəsmilər, mədəniyyət və incəsənət xadimləri, yerli azərbaycanlılar, tələbələr və media təmsilçiləri iştirak ediblər.
Buxara şəhər hakimi Jamol Nasirov şəhərdə ilk dəfə təşkil olunan “Azərbaycan mədəniyyəti və ədəbiyyatı günləri”nin iki ölkə arasında dostluq, mədəni-ədəbi əlaqələrin daha da möhkəmlənməsinə xidmət edəcəyinə bildirib.
Daşkənddəki AMM-in direktoru Samir Abbasov ölkələrimiz arasında yüksək səviyyəli münasibətlər haqqında danışaraq dövlət başçılarımızın uğurlu siyasəti nəticəsində bu əlaqələrin strateji müttəfiqlik səviyyəsinə yüksəldiyini qeyd edib. O, layihə çərçivəsində Buxara sakinlərinə milli mədəniyyətimiz, musiqimiz, rəqs, rəsm sənətimiz, musiqi alətləri, milli libaslarımızın təqdim ediləcəyini, kitabxanalara və yerli diaspor təşkilatına Azərbaycana dair nəşrlərin hədiyyə olunacağını bildirib. O, bu ilin Azərbaycan Prezidenti İlham Əliyev tərəfindən "Şuşa İli" elan olunduğunu və bu istiqamətdə Özbəkistanda keçirilən tədbirlər və layihələr barədə danışıb.
Milli Məclisin Mədəniyyət komitəsinin sədri Qənirə Paşayeva Azərbaycanla Özbəkistan arasında bütün sahələrdə əlaqələrin durmadan inkişaf etdiyini bildirib. O, xalqlarımızın dost, qardaş olduğunu vurğulayaraq, belə tədbirlərin davamlı keçirilməsinin vacibliyini diqqətə çatdırıb. Türk dünyası arasında həmrəylik haqqında danışan Qənirə Paşayeva Azərbaycanın Qarabağdakı Zəfəri və Vətən müharibəsində Türk respublikalarının haqq işimizə göstərdikləri dəstəyi minnətdarlıqla yada salıb.
Çıxışlardan sonra tədbir konsert proqramı ilə davam edib. Azərbaycanın və
Özbəkistanın Xalq
artisti Gülyanaq Məmmədova və tarzən, Səmərqənddə
keçirilən “Şərq
təranələri” beynəlxalq
musiqi festivalının
Qran-pri mükafatçısı,
Əməkdar artist Sahib Paşazadə
musiqilərimizi səsləndiriblər.
AMM-in nəzdində fəaliyyət
göstərən Kövkəb
Əliyeva adına
“Azərbaycan qızları"
rəqs ansamblı isə milli rəqslərimizi ifa edib.
Tədbirdə Azərbaycan və Özbəkistanın milli
geyimlərindən ibarət
kolleksiya da nümayiş etdirilib. Geyimlər azərbaycanlı
modelyer-dizayner Afaq İsmayılzadə tərəfindən
hazırlanıb.
***
“Azərbaycan mədəniyyəti
və ədəbiyyatı
günləri” tədbirləri
Özbəkistanın Nəvai
vilayətində də
keçirilib. Nəvai şəhərinin “Fərhad” mədəniyyət
sarayında keçirilən
açılış mərasimində
vilayət hakimiyyətinin
rəsmiləri, elm, mədəniyyət,
təhsil sahəsi üzrə nümayəndələr
Azərbaycan nümayəndə
heyəti və digər qonaqlar iştirak ediblər.
Nəvai vilayət rəhbərinin
müavini Sədullo Mirzoyev tədbir iştirakçılarını salamlayaraq Özbəkistan-Azərbaycan
arasında günü-gündən
yüksələn münasibətlər,
ölkə başçıları
arasında keçirilən
faydalı görüşlər
haqqında danışıb. O, Nəvaidə
ilk dəfə təşkil
olunan “Azərbaycan mədəniyyəti və
ədəbiyyatı günləri”nin böyük mədəni hadisə olduğunu vurğulayıb.
AMM-in direktoru Samir
Abbasov Azərbaycan və özbək xalqları arasında əlaqələrin daim yüksək səviyyədə
olduğunu qeyd edib.
Milli Məclisin
Mədəniyyət komitəsinin
sədri Qənirə
Paşayeva dövlətimizin
Özbəkistanla əməkdaşlığa
mühüm önəm
verdiyini, dərin tarixi və ortaq köklərə, xalqlarımız arasında
dil, din, mədəniyyət
yaxınlığını xüsusi vurğulayıb. Millət vəkili
mədəniyyət və
ədəbiyyat sahəsində
əlaqələrimiz haqqında
danışarkən şair
və yazıçılarımızın
dostluq və yaradıcılıq münasibətlərini
də qeyd edib.
Daha sonra konsert proqramı təqdim olunub. Xalq artisti
Gülyanaq Məmmədova,
Əməkdar artist Sahib Paşazadə
və “Azərbaycan qızları" rəqs
ansamblının çıxışları
alqışlarla qarşılanıb.
Azərbaycan və Özbəkistanın
milli geyimləri “Qarabağ şikəstə”sinin
sədaları altında
Nəvai Dövlət
Universitetinin tələbə
qızları tərəfindən
nümayiş etdirilib.
Azərbaycan milli geyimləri
arasında “Xarıbülbül”
kompozisiyası xüsusi
maraq doğurub.
Özbəkistanda keçirilən “Azərbaycan
mədəniyyəti və
ədəbiyyatı günləri”
oktyabrın 22-də baş
çatıb.
Mədəniyyət.- 2022.- 26
oktyabr.- S.1;8.