Səma şairinin 140 illiyi münasibətilə

Ağstafa RMİ Tovuz rayon MKS-nin Mərkəzi Kitabxanası A.S.Puşkin adına şəhər tam orta məktəbində Hüseyn Cavid 140 mövzusunda tədbir təşkil edib. Hüseyn Cavidin həyat və yaradıcılığı haqqında şagirdlərə ətraflı məlumat verilib. Sonra şagirdlər ədibin kitablarından ibarət sərgi ilə tanış olublar.

Qazax MKS-nin E.Hüseynov adına Mərkəzi Kitabxanasının Uşaq şöbəsi Mənim tanrım gözəllikdir, sevgidir adlı tədbir keçirib. Məktəblilər şairin İlk bahar, Qız məktəbində, Mənim tanrım şeirlərini söyləyiblər.

***

Gəncə RMİ Gəncə şəhər MKS-də XX əsr Azərbaycan mütərəqqi romantizminin banisi adlı tədbir keçirilib. Kitabxanaçı Səbinə Piriyeva şairin həyat və yaradıcılığı haqqında söz açıb. Sonra Hüseyn Cavid 140 başlığı altında kitab sərgisi nümayiş olunub.

MKS-nin 13 saylı kitabxana filialı isə XX yüz il bədii fikrimizin mərdlik və əyilməzlik simvolu Hüseyn Cavid başlıqlı tədbir təşkil edib. Şagirdlər şairin şeirlərindən nümunələr səsləndiriblər.

 

Mədəniyyət.- 2022.- 26 oktyabr.- S.4.