Anar Kərimov Mexikoda
Xocalı abidəsini ziyarət edib
Xəbər verdiyimiz kimi, mədəniyyət naziri Anar Kərimovun rəhbərlik etdiyi nümayəndə heyəti 28-30 sentyabr tarixində Meksikanın paytaxtı Mexikoda keçirilən UNESCO-ya üzv ölkələrin mədəniyyət nazirlərinin Mədəni Strategiya və Dayanıqlı İnkişafa dair Dünya Konfransında (“Mondiacult 2022”) iştirak edir.
Səfər çərçivəsində Anar Kərimov Mexiko şəhərinin Tlakskoake-Xocalı meydanında yerləşən Xocalı soyqırımı qurbanlarının xatirəsinə ucaldılmış abidəni ziyarət edib. Nazir abidənin önünə gül dəstəsi qoyub.
Qeyd edək ki,
abidə Mexiko şəhərinin tarixi mərkəzində 2011-ci ildə Azərbaycan
Hökumətinin dəstəyi ilə ucaldılıb. Həmçinin
meydanda təmir-abadlıq işləri həyata
keçirilib. Xocalı
soyqırımı abidəsinin müəllifi Xalq
rəssamı, heykəltəraş Natiq
Əliyevdir.
Mədəniyyət.- 2022.- 30
sentyabr.- S.2.