“Şuşa ziyalıları: unudulmuş irs” və “Azərbaycan mətbuatı: gizli nəşrlər”

Yeni kitabların təqdimatı olub

Bakı Dövlət Universitetinin (BDU) Jurnalistika fakültəsi və Azərbaycan Mətbuat Şurasının birgə təşkilatçılığı ilə BDU-nun Milli mətbuat tarixi kafedrasının professoru, tarix elmləri doktoru Nəsiman Yaqublunun yeni nəşr edilmiş “Şuşa ziyalıları: unudulmuş irs” və “Azərbaycan mətbuatı: gizli nəşrlər” kitablarının təqdimat mərasimi olub.

Mətbuat Şurasının sədri Rəşad Məcid və idarə heyəti üzvlərinin, tədqiqatçı və jurnalistlərin, müəllim-tələbə heyətinin iştirak etdikləri tədbirdə fakültənin dekanı, Mətbuat Şurasının sədr müavini Vüqar Əliyev təqdim olunan kitablarla bağlı fikirlərini bildirib.

Professor Nəsiman Yaqublu kitablar haqqında məlumat verib. Qeyd edib ki, “Şuşa ziyalıları: unudulmuş irs” kitabında Əhməd bəy Ağaoğlu, Ceyhun Hacıbəyli, Hilal Münşi kimi görkəmli ziyalıların yazıları toplanıb. “Azərbaycan mətbuatı: gizli nəşrlər” kitabında isə ilk dəfə olaraq çar Rusiyası və sovet rejimi dövründə qadağan edilmiş Azərbaycan mətbuatı nümunələri (qəzetlər, jurnallar, kitablar) oxuculara təqdim olunur.

Digər çıxış edənlər tarixi arxiv materialları əsasında işlənmiş həmin kitabların mətbuat tarixinin inkişafındakı önəmindən bəhs ediblər.

Mədəniyyət.- 2023.- 14 aprel.- S.7.