Azərbaycanın
multikulturalizm təcrübəsi
digər ölkələr
üçün böyük
önəm daşıyır
Azərbaycana ilk
dəfə səfər
edirəm, lakin bu ölkədəki dini və etnik
tolerantlıq barədə
məlumatlıyam. Bu səfərim də Azərbaycanın dini mühiti ilə yerində tanış olmaq məqsədi daşıyır.
Almaniya Müsəlmanları
Mərkəzi Şurasının
sədri Ayman Mayzek bunu iyulun
25-də Qafqaz Müsəlmanları
İdarəsinin (QMİ) sədri
şeyxülislam Allahşükür
Paşazadə ilə
görüşündə deyib.
QMİ-nin mətbuat
xidmətindən bildirilib
ki, görüşdə
şeyxülislam Azərbaycanda
dövlət-din münasibətlərinin
yüksək səviyyəsi
və ölkəmizdə
hökm sürən dinlərarası harmoniya, məzhəblərarası anlaşma
mühiti barədə
ətraflı danışıb.
Azərbaycan dövlətinin
44 günlük Vətən
müharibəsindən sonra
Qarabağda və Şərqi Zəngəzurda
həyata keçirdiyi
geniş bərpa-yenidənqurma
işləri barədə
məlumat verən
QMİ sədri erməni
vandalizminə məruz
qalmış dini-mənəvi
abidələrimizin böyük
diqqət və qayğı ilə bərpa edildiyini qonağın diqqətinə
çatdırıb.
Avropa dini icma və mərkəzləri,
o cümlədən, Avropa
ölkələrindəki müsəlman
icmaları ilə fəal əlaqələrdən
bəhs edən şeyxülislam Allahşükür
Paşazadə ayrı-ayrı
Avropa ölkələrində
islamofobiya hallarının,
o cümlədən Quranın
yandırılması kimi
aksiyaların təşkilinin
sivilizasiyalararası dialoq
prosesinə xələl
gətirdiyini vurğulayıb.
Dinlərin müqəddəs
rəmzlərinə ehtiramlı
münasibətin zəruriliyini,
dindən siyasi məqsədlər üçün
sui-istifadənin yolverilməzliyini
qeyd edən QMİ sədri erməni kilsəsinin Azərbaycana qarşı qarayaxma kampaniyaları, öz revanşist məqsədləri
üçün dini müstəvilərdən, ələlxüsus,
Dünya Kilsələr
Şurasının tribunasından
sui-istifadə etməsindən
danışıb.
Almaniyalı qonaq
da Avropada Quranın yandırılması
hallarına toxunub, bildirib ki, bundan Avropa cəmiyyətlərinin özləri
də narahat olmalıdırlar. Ayman Mayzek bildirib ki, Azərbaycanın malik olduğu multikultural, tolerant cəmiyyət təcrübəsi
nəinki müsəlman,
bütün digər dünya ölkələri
üçün olduqca
böyük önəm
kəsb edir.
Almaniyalı qonaq görüşdən sonra Təzəpir məscidini ziyarət edib, orada namaz qılıb.
Mədəniyyət.-
2023.- 26 iyul.- S.3.