25-27 iyul tarixlərində
Dini Qurumlarla İş üzrə Dövlət Komitəsinin
tabeliyində Mənəvi
Dəyərlərin Təbliği
Fondunun (MDTF) təşkilatçılığı
ilə Şəki şəhərində “Ulu
öndər: dəyərlərimizin
xilaskarı” mövzusunda
seminar keçirilir. Ümummilli lider Heydər Əliyevin 100 illiyi münasibətilə
təşkil olunan tədbirdə Balakən, Zaqatala, Qax və
Şəki rayonlarından
60 gənc iştirak edir.
Seminarın açılışında
Mənəvi Dəyərlərin
Təbliği Fondunun şöbə müdiri Rəşid Paşalı,
Şəki Şəhər
İcra Hakimiyyəti İctimai-siyasi və humanitar məsələlər
şöbəsinin müdir
müavini Sadiq Yusifov, Sumqayıt Dövlət Universitetinin müəllimi, şərqşünas
Əli Rzazadə, AMEA
Şəki Regional Elmi
Mərkəzi Tarixi irs və etnoqrafiya
şöbəsinin müdiri
Rahim Həsənov və başqaları çıxış ediblər.
Seminar çərçivəsində mövzu üzrə mühazirə və diskussiyalar, fondun dəstəyi ilə hazırlanmış “Heydər Əliyev və azərbaycançılıq”, “Dəyərlərimizin dastanı” filmlərinin nümayişi, şəhər ərazisindəki tarixi-mədəni abidələrin ziyarət edilməsi, “Dəyərlərimizi öyrənək!” adlı intellektual yarış və digər tədbirlər nəzərdə tutulub.
Mədəniyyət.-
2023.- 26 iyul.- S.3.