Mədəniyyətimizin böyük
hamisi
(əvvəli ötən
sayımızda)
Ümummilli lider Heydər Əliyev böyük siyasətdə olduğu bir qərinədən artıq dövrdə, doğma xalqının taleyində tarixi rol oynamaqla bərabər, mədəni irsimizin qorunması və zənginləşdirilməsi, milli incəsənətin, ədəbiyyatın inkişafı, respublikada mədəni-maarif işinin qabaqcıl səviyyədə təşkili sahəsində də müstəsna xidmətlər göstərib.
Heydər Əliyevin mədəniyyətə
diqqət və qayğısı onun
dövlət xadimi kimi
fəaliyyətinin bütün mərhələlərində
– sovet Azərbaycanına rəhbərlik etdiyi illərdə, Moskvada,
SSRİ rəhbərliyində
çalışdığı vaxtda və
müstəqil Azərbaycana onillik prezidentliyi dövründə tarixin
yaddaşına çoxsaylı səhifələrlə
yazılıb. O, hər zaman və hər
yerdə Azərbaycan mədəniyyətinin böyük
hamisi olub. Bununla bağlı illərin xronikasından seçdiyimiz məqamları “Heydər
Əliyev İli”nə töhfə olaraq
diqqətinizə təqdim edirik...
1973-cü
il 29 may
Azərbaycan KP MK-nın Birinci katibi Heydər Əliyev Azərbaycan SSR-ə
Sov. İKP MK-nın, SSRİ Nazirlər Sovetinin,
ÜİHİMŞ-nin (Ümumittifaq
Həmkarlar İttifaqları
Mərkəzi Şurası)
və ÜİLKGİ-nin
(Ümumittifaq Lenin Kommunist
Gənclər İttifaqı)
növbəti keçici
Qırmızı Bayrağının
təqdim edilməsi münasibətilə təşkil
olunan yığıncaqda
nitq söyləyib, respublikada digər sahələrlə bərabər
mədəni-maarif işindən
də bəhs edib.
1973-cü
il 13-14 sentyabr
Azərbaycanın böyük mütəfəkkir
şairi İmadəddin
Nəsiminin anadan olmasının 600 illiyi münasibətilə Bakıda
təntənəli mərasimlər
keçirilib. Respublikanın rəhbəri Heydər
Əliyevin təşəbbüsü
və SSRİ-nin aidiyyəti qurumlarının
təqdimatı ilə
Nəsiminin 600 illiyi
1973-cü ildə UNESCO-nun yubileylər
siyahısına salınmışdı.
Bakıdakı yubiley tədbirlərinə
müxtəlif ölkələrdən
qonaqlar qatılmışdı.
Heydər Əliyev tədbirlərdə
çıxış edib.
Nəsiminin 600 illiyi şərəfinə Azərbaycan
SSR Nazirlər Sovetinin
təşkil etdiyi qəbulda (14 sentyabr) nitqindən:
“...Bu günlər qədim Azərbaycan torpağında
böyük bayramdır,
poeziya bayramı, ədəbiyyat bayramı,
bədii söz bayramıdır, ürəklərə
sevinc bəxş edən sənət bayramıdır. Bu bayram böyük Azərbaycan şairi və mütəfəkkiri
İmadəddin Nəsiminin
anadan olmasının
600 illiyi ilə əlaqədardır.
Öz nəsillərinə gözəl
bir irs
qoyub getmiş bu müdrik insanın anadan olduğu vaxtdan 600 il keçmişdir. Budur, indi onun vətənində
nəsillər şairin
fərəhli yubileyini
dərin minnətdarlıq
hissi ilə qeyd edirlər. Bəşəriyyət özünün ən yaxşı nümayəndələrini, onu
mənəvi cəhətdən
zənginləşdirən simaları həmişə
yüksək qiymətləndirmişdir.
Bəşər tarixinin müxtəlif
mərhələlərində bir çox görkəmli şəxsiyyətlər
yetişmişdir. Hər bir
xalq həmin dühaların tərəqqiyə,
işıqlı həyata,
xoş güzərana
çağırışları ilə haqlı fəxr edir. Azərbaycan xalqı öz böyük övladlarının
– Nizaminin, Xaqaninin, Füzulinin və başqalarının adlarını
iftixarla çəkir.
Bu gün isə
biz Azərbaycan və
dünya poeziyasının
parlaq ulduzu İmadəddin Nəsiminin
yubileyini qeyd edirik.
Lakin Nəsiminin
yaratdığı, qoyub
getdiyi irsə heyran olduğumuzu bildirərkən biz gərək
onun ikinci yaranışından da danışaq. Yalnız bizim zəmanədə
Nəsimi əsrlərin
dərinliklərindən qaldırılmışdır
və o, layiqincə qiymətləndirilir. Bu gün Nəsimi bütün dünya qarşısında bütün
əzəməti ilə
ucalır. O, elə
bir insan idi ki, hələ
uzaq keçmişlərdə
cəhalətpərəstlərdən qorxmayıb zülmə, riyakarlığa, dini mövhumata etiraz səsini ucaldır, çox-çox irəliyə
nəzər salırdı.
Görkəmli Azərbaycan
şairi, müasirimiz
Səməd Vurğun
Nəsimi haqqında belə demişdir: “Tarixlər boyunca qaldı yadigar ölməz fikirlərin, ölməz sözlərin”.
Nəsiminin yubileyi Azərbaycan xalqının, eləcə
də bütün xalqların mədəniyyətinin
tərəqqisinə daha
bir parlaq sübutdur. Bütün müttəfiq respublikaların
nümayəndələrinin iştirakı ilə keçirilən Nəsimi
yubileyinin belə geniş miqyasda qeyd edilməsi də hər bir xalqın mədəniyyətinin inkişafına
partiyanın göstərdiyi
qayğının təzahürlərindən
biridir, ölkəmizin
xalqları arasında
dostluğun nümayişidir...
Bizim hamımızı,
Nəsimi yubileyi münasibətilə Azərbaycan
torpağına toplaşan
adamların hamısını
mütərəqqi ideallar,
bəşəriyyətin ən
yaxşı zəkalarının
əsrlər boyu həsrətində olduqları
əmin-amanlıq və
dostluq şəraitində
yaşamaq arzuları birləşdirir. Həmin ideallar və arzular bu gün
gerçəkliyə çevrilmişdir...”.
1973-cü
il 31 oktyabr
Heydər
Əliyev İkinci Dünya müharibəsində
Qafqaz uğrunda döyüşlərin 30 illiyi
münasibətilə təntənəli
yığıncaqda nitq
söyləyib, faşizm
üzərində tarixi
qələbənin əldə
olunması üçün
Azərbaycanın oğul
və qızlarının
ön və arxa cəbhədə göstərdiyi qəhrəmanlıq
və fədakarlıqdan,
o cümlədən yaradıcı
insanların müharibə
dövründə vətənpərvərlik
ruhlu fəaliyyətindən
bəhs edib.
***
Azərbaycanın görkəmlı mədəniyyət,
ədəbiyyat xadimlərinin
yaradıcılığı həm respublika, həm də ittifaq (SSRİ) səviyyəsində
dövlət tərəfindən
yüksək qiymətləndirilirdi.
1973-cü
il 23 aprel
Azərbaycan sovet teatr sənəti
sahəsində xidmətlərinə
görə və anadan olmasının 60 illiyi ilə əlaqədar olaraq respublikanın Xalq artisti Əli Zeynalov Azərbaycan SSR Ali Sovetinin Fəxri fərmanı ilə təltif edilib.
1973-cü il 28 iyun
Sovet ədəbiyyatı sahəsində xidmətlərinə görə və anadan olmasının 60 illiyi ilə əlaqədar olaraq şairə Nigar Rəfibəyli Azərbaycan SSR Ali Sovetinin Fəxri fərmanı ilə təltif edilib.
1973-cü il 26 iyul
SSRİ Ali Soveti Rəyasət Heyətinin fərmanı ilə sovet musiqi sənətinin inkişafinda böyük nailiyyətlərinə görə bəstəkar Soltan Hacıbəyova “SSRİ Xalq artisti” fəxri adı verilib.
1973-cü il 12 oktyabr
Azərbaycan SSR Ali Soveti Rəyasət Heyətinin fərmanı ilə Azərbaycan sovet təsviri sənətinin inkişafında böyük xidmətlərinə görə Qəzənfər Xalıqova respublikanın “Xalq rəssamı” fəxri adı verilib.
Hazırladı: V.Orxan
(davamı var)
Mədəniyyət.- 2023.- 27
yanvar.- S.5.