“40-cı qapı” “Qızıl mükafat”ı Azərbaycana gətirdi

“Ritm production”un direktoru, filmin prodüseri Xaqani Savalanın verdiyi məlumata görə “40-cı qapı” bədii filmi 42-ci Beynəlxalq Hyuston Kinofestivalında “Ən yaxşı xarici film”nominasiyası üzrə qızıl mükafata (GOLD REMI AWARD .Foreign) layiq görülmüşdür. Festivalın nəticələri 26 aprel 2009-cu ildə açıqlanmışdır. Qeyd edək ki, festivalda filmin rejissoru Elçin Musaoğlu iştirak edib. “40-cı qapı” bədii filmi dövlət sifarişi ilə “Ritm production”da çəkilmişdir. Filmin prodüseri Xaqani Savalan, ssenari müəllifi və rejissoru Elçin Musaoğludur. Baş rollarda Həsən Səfərov, Gülər Nəbiyeva, Rövşən Ağayev və b. çəkilmişlər.

Aytək

Mədəniyyət.- 2009.- 29 aprel.- S. 9.