“Əqli mülkiyyət hüquqlarının təminatı və piratçılığa qarşı mübarizə haqqında” qanun layihəsi

Azərbaycan Respublikası Müəllif Hüquqları Agentliyinin (MHA) sədri Kamran İmanov bildirib ki, ölkədə piratçılığa qarşı iki istiqamətdə işlər görülür. Əsas diqqət qanunvericilik bazasının gücləndirilməsinə yönəldilib. Prezident İlham Əliyevin tapşırığına əsasən, agentlik “Əqli mülkiyyət hüquqlarının təminatı və piratçılığa qarşı mübarizə haqqında” qanun layihəsi hazırlayaraq müvafiq dövlət qurumuna təqdim edib. Bu qanun layihəsi beynəlxalq standartlara cavab verən, yüksək səviyyədə hazırlanmış sənəddir. Digər tərəfdən Azərbaycanın İnzibati Xətalar və Cinayət məcəllələrinə müəyyən dəyişikliklər edilərək, müəlliflik hüquqlarının pozulması ilə əlaqədar nəzərdə tutulmuş sanksiyalar sərtləşdiriləcəkdir. Digər tərəfdən Azərbaycan Respublikası Müəllif Hüquqları Agentliyinin (MHA) Əqli Mülkiyyət Mərkəzinin yaradılmasını nəzərdə tutur. Əqli mülkiyyət hüquqlu mallar bu mərkəzdə xüsusi nişanla (holoqram) işarələnəcəkdir. Beləliklə, bazardakı malın qanuni və ya pirat olduğu ortaya çıxacaq.

Turan

Mədəniyyət.-2009.-5 fevral.-S.2.