Rüstəm İbrahimbəyovun 70 illiyi ilə bağlı tədbir

Fevralın 2-də AYB-də yazıçı-dramaturq Rüstəm İbrahimbəyovun 70 illik yubileyinə həsr olunmuş tədbir keçirildi. Birliyin sədri, xalq yazıçısı Anar yubilyarın həm Azərbaycanda, həm də ölkənin hüdudlarından kənarda istedadlı ssenarist və rejissor kimi tanındığını bildirərək, onun kino tariximizdə həyata keçirdiyi uğurlu layihələrdən danışdı. Mədəniyyət və turizm naziri Əbülfəs Qarayev ölkəmizdə kinematoqrafiya məktəbinin yaradılmasında Rüstəm İbrahimbəyovun böyük xidmətlərini diqqətə çatdırdı. Rəssamlar İttifaqının sədri, xalq rəssamı Fərhad Xəlilov isə yubilyarın ekran əsərlərindən söz açdı, ona yaradıcılıq uğurları arzuladı. Digər çıxış edənlər də Azərbaycan mədəni irsinin dünyaya çatdırılmasında Rüstəm İbrahimbəyov yaradıcılığının xüsusi önəm kəsb etdiyini vurğuladılar. Sonda Yazıçılar Birliyi adından Rüstəm İbrahimbəyova xatirə hədiyyəsi təqdim olundu.

Mədəniyyət.-2009.-5 fevral.-S.5.