Tofiq Quliyevin həyat və yaradıcılığına həsr edilmiş fotosərgi

11 fevral 2009-cu il də Muzey Mərkəzində Azərbaycan Dövlət Film Fondu və Dövlət Foto-Kino Sənədləri Arxivinin birgə təşəbbüsü ilə xalq artisti, Dövlət mükafatı laureatı və görkəmli bəstəkar Tofiq Quliyevin həyat və yaradıcılığına həsr edilmiş fotosərgi keçirildi.

Tədbiri giriş sözü ilə Dövlət Film Fondunun sədri Cəmil Quliyev açdı. Sonra söz Bəstəkarlar İttifaqının katibi Lalə Hüseynovaya verildi. O, T.Quliyevin həyat və yaradıcılığından geniş danışdı. Milli musiqimizin və kinomuzun inkişafındakı əvəzsiz xidmətlərini xüsusi qeyd etdi... Daha sonra respublikanın xalq artistləri - Oqtay Zülfüqarov, Canəli Əkbərov və kinoşünas Aydın Kazımzadə çıxış etdilər.

Tədbirin sonunda xalq artisti, bəstəkarın oğlu Eldar Quliyev danışdı. Başda Dövlət Film Fondunun sədri C. Quliyev olmaqla, tədbirin təşkilatçılarına və burda iştirak edənlərə öz dərin minnətdarlığını bildirdi.

Savalan Fərəcov

Mədəniyyət.- 2009.- 13 fevral.- S. 5.