Qulu Ağsəslə görüş

Gənclərin “Turan” ədəbi birliyinin təşkilatçılığı ilə Sabir adına kitabxanada oxucuların tanınmış şair Qulu Ağsəslə görüşü keçirildi. Görüşü şairin şeirini söyləməklə açan birliyin üzvü Tapdıq Türksoy əvvəl Q.Ağsəs indiki gənc ədəbi nəslə münasibəti barədə sual verdi. Bu gün ədəbi nəslin daha çox qayğı ilə əhatələndiyini söyləyən şair ”bizə də qayğı göstərənlər olub, biz də bu ənənəni davam etdirməliyik” deyərək gənc nəsil yazarlarından bir çoxlarının yaradıcılığına münasibətini bildirdi. Tənqidçi Bəsti Əlibəyli, şair Səlim Babullaoğlu, Qəşəm Nəcəfzadə və başqaları çıxış edərək şairin yaradıcılığı haqqında öz təhlili fikirlərini oxucularla bölüşdülər. Çıxışların arasında isə gitara musiqisinin sədaları altında Q.Ağsəsin şeirləri səsləndirilirdi. Müasir ədəbi proseslər, ədəbi zövqlər və şəxsi yaradıcılıq məsələlərini əhatə edən müxtəlif suallara dolğun cavab verən şair tədbirin sonunda öz yeni şeirlərini oxudu.

Sabutay

Mədəniyyət. - 2009.- 3 iyun.- S. 12.