İMC Krems Tətbiqi ElmlərUniversitetinin
15 yaşı qeyd edilib
Mədəniyyət və turizm naziri Əbülfəs
Qarayev tədbirə qatılıb
Oktyabrın
5-də Avstriyanın Krems
şəhərində İMC Krems Tətbiqi Elmlər Universitetinin yaradılmasının 15 illiyi
münasibətilə təntənəli
mərasim keçirilib.
Mərasimə Avstriya
hökuməti və Aşağı Avstriya əyalətinin nümayəndələri,
Krems şəhər rəhbərliyi və universitetin tələbə-müəllim
heyəti ilə yanaşı, universitetin beynəlxalq müstəvidə
əməkdaşlıq etdiyi
ali təhsil
ocaqlarının (Avstraliya,
Rusiya, Ukrayna, Suriya, İordaniya,
Azərbaycan Turizm İnstitutundan aldığımız xəbərə
görə, Ə.Qarayev
mərasimdə çıxış
edərək, universitetin
prezidenti Haynts Boyeri və kollektivi təbrik edib. Nazir bildirib ki, Azərbaycan geniş turizm potensialına malik ölkə kimi bu sahədə
infrastrukturun qurulmasında
Avstriya şirkətləri
ilə əməkdaşlıq
edir. Eyni zamanda turizm
mütəxəssislərinin hazırlanması və Azərbaycan Turizm İnstitutunda beynəlxalq
proqramların həyata
keçirilməsi sahəsində
uğurlu əməkdaşlıq
həyata keçirilir.
Krems Universiteti ilə əməkdaşlıq
sayəsində azərbaycanlı
turizm mütəxəssisləri
Avstriya bakalavr diplomu dərəcəsi əldə etmək imkanına malikdirlər, həmçinin hər iki ali təhsil ocağı arasında tələbə
mübadiləsi həyata
keçirilir.
Ə.Qarayev mərasim çərçivəsində
Avstriyanın aparıcı
ORF telekanalına müsahibə
verib.
Qeyd edək ki, əsası 1994-cü ildə qoyulmuş İMC Krems Tətbiqi Elmlər Universiteti ötən qısa müddət ərzində
tələbələrin sayını
42-dən 1800 nəfərə çatdırıb, dünyanın
27 ölkəsində 80-dən artıq ali təhsil ocağı ilə əməkdaşlıq
əlaqələri qurub,
80-dən artıq ölkənin
700-dən artıq müəssisəsi
ilə təcrübə
tərəfdaşlığı edir. 2007-ci ildə
universitetlə Azərbaycan
Turizm İnstitutu arasında müqavilə imzalanıb və tərəfdaşlıq əlaqələri
qurulub.
Azərbaycanın Avstriyadakı səfiri
Fuad İsmayılov və Azərbaycan Turizm İnstitutunun rektoru Cəfər Cəfərov da yubiley tədbirində iştirak ediblər.
Fəxriyyə ABDULLAYEVA
Mədəniyyət.- 2009.- 7 oktyabr.- S.8.