Gənc dirijorumuz «Musiqi Olimpi» XV Beynəlxalq festivalında

 

Sankt-Peterburqda keçirilən «Musiqi Olimpi» XV Beynəlxalq musiqi festivalında Azərbaycanı Beynəlxalq müsabiqələr laureatı, dirijor Əyyub Quliyev təmsil edib. Bu barədə «Mərkəz»ə dirijor özü məlumat verib. Festivalın poqramına 14 ölkəni təmsil edən 30 musiqiçinin iştirak etdiyi 6 konsert daxil olub. Festival şəhərin ən məşhur konsert zallarında - Ermitaj teatrında, Sankt-Peterburq Dövlət Kapellasında, Dövlət Filarmoıniyasının böyük zalında baş tutub.

Festivalın növbəti konsertlərindən biri Sankt-Peterburq Dövlət Kapellasında keçirilib. Ə.Quliyevin dirijorlugu altında Dövlət Kapellasının simfonik orkestri dünya klassik musiqisinin şedevrləri - Mosart, Puççini, Bize Prokofyevin əsərlərindən ibarət proqramla cıxış edib. Əyyub Quliyevlə bərabər, həmin konsertdə koreyalı skripkaçı Je Xay Li, latviyalı Qunars Upatnieks (kontrabas), Qəbələdə keçirilən pianoçuların I beynəlxalq müsabiqəsinin qalibi İlya Maksimov (Rusiya) soprano Polina Pastirçak (Macarıstan) dinləyicilərin böyük marağına səbəb olub. Həmin gecə Sankt-Peterburqda ilk dəfə olaraq məşhur italyan bəstəkarı Nino Rotanın kontrabas orkestr üçün konserti ifa olunub. 2 iyun tarixində isə Sankt-Peterburqun digər tarixi salonu olan Ermitaj Teatrının Böyük zalında festivalın bağlanış mərasimi keçirilib. Həmin gecə Əyyub Quliyevin rəhbərliyi altında Ermitaj Dövlət Simfonik Orkestri ilə bərabər amerikalı violonçelist Metyu Allen, pianoçu Jen San Li (Koreya), Tomoaki Yoşida (Yaponiya) cıxış ediblər. Konsertin yaddaqalan hadisələrindən biri Kraliça Yelizavetanın adına beynəlxalq müsabiqədə qalib gəlmiş koreyalı bəstəkar Yun Hva Çonun «Deixis» fortepiano konsertinin dünya premyerası olub. Həmin əsərin solisti Sergey Redkin (Sankt-Peterburq), dirijoru isə Əyyub Quliyev olub.

 

 

Cəvahir SƏLİMQIZI

 

Mərkəz.- 2010.- 5 iyun.- S. 11.