Edit Pyexa Heydər Əliyev Sarayında konsert proqramı ilə çıxış edib

Tanınmış müğənni, SSRİ-nin xalq artisti Edit Pyexa Heydər Əliyev Sarayında konsert proqramı ilə çıxış edib.

“Mərkəz”in məlumatına görə, müğənni Bakı səhnəsində anadan olmasının 75 illiyini və yaradıcılığa başlamasının 55 illiyini qeyd edib. Tamaşaçıları salamlayan müğənni sonuncu dəfə Azərbaycanda 53 il çıxış etdiyini deyib: “Salam, gözəlləşmiş, cavanlaşmış Bakı! Mən bu şəhərdə ilk dəfə 1959-cu ildə çıxış etmişəm, o alqışları bu günə kimi xatılayıram”. Edit Pyexa bakılı pərəstişkarlarına repertuarındakı ən yaxşı mahnıları – “Gəncliyimin şəhəri”, “Ana”, “Dünyaya gülümsə”, “Sank-Peterburq” – təqdim edib.

Müğənni Bakıda Müslüm Maqomayevlə ilk görüşünü də xatırlayıb. Səhnə geyimini tez-tez dəyişən Edit Pyexa bunu etməyi sevdiyini bildirib və qeyd edib ki, karyerasına başladığı dövrdə onun yaxşı geyinmək imkanı olmayıb: “İllər keçir, mən həyat yolunda irəliləyir və yalnız ən yaxşı xatirələrlə yaşayıram”.

Edit Pyexanın konsertini izləməyə gələnlər arasında Rusiyanın Azərbaycandakı səfiri Vladimir Doroxin də olub.

Ayşə Osmanova.

Mərkəz.-2012.-6 dekabr.-S.-14.