Gənc azərbaycanlı solist dünyanın rəğbətini qazanıb

Azərbaycan özünün müxtəlif musiqi alətlərində ifa edən yeniyetmələrilə də bu gün dünyaya səs salıb. Onlardan bir neçəsi isə hətta beynəlxalq müsabiqələrdə çıxış edərək müxtəlif uğurlara imza atmaqla Azərbaycanın imicini dünya miqyasında geniş şəkildə tərənnüm edirlər. Belə beynəlxalq müsabiqə laureatlarından biri də İncəsənət Gimnaziyasının 12 yaşlı solisti, klarnet ifaçısı Mehdi Eyyubovdur. O, gələn ilin martında Türkiyənin Gdima Şəhərində gənclər arasında keçirilən XIV Beynəlxalq kamera ansamblı müsabiqəsində ən gənc laureat adını qazanıb. Bu gəncin cıxışı bəyənildiyindən cari ilin martın 17-də keçirilən növbəti, XV müsabiqədə də iştirak edib. M.Eyyubov tədbirə Trakiya konservatoriyasının kamera orkestrilə solist kimi dəvət almışdı. Burada gənc solist dünya klassik musiqisinin repertuarından Azərbaycan bəstəkar İsmət Quliyevin "Prelyudiya" əsərini seçərək öz yaradıcılıq fəaliyyətində növbəti uğura imza atdı.

Konsertdən sonra təşkilatçılar M.Eyyubova minnətdarlıq edərək, onun oxuduğu incəsənət Gimnaziyasına da təşəkkür məktubu göndəriblər. Qeyd edək ki, həmin müsabiqəyə həsr olunan konsertə azərbaycanlı gənc solistdən başqa dünya klassik musiqisi sahəsində az sözünü demiş bir çox tanınmış musiqiçilər, Sofiya Konservatoriyasının professoru Angel Stankov və dosent Bobi Yotzov, Trakiya Konservatoriyasının dossenti Aminbay Sabayev da dəvət almışlar sırasında idilər. Onu da xatırladaq ki, gənc solist yaxşı olmasına baxmayaraq, indiyə kimi iki il ərzində 20-dən artıq konsert proqramında daxil edib. O, Azərbaycan Dövlət Kamera Orkestri, Azərbaycan Dövlət Simfonik Orkestri və başqa konsertlərdə solist kimi çıxış edərək tamaşaçıların geniş rəğbətini qazanıb. Mehdi həm də Nazim Gliverdibayov adına gənclərarası ümumşəhər müsabiqəsinin laureatıdır. Bu ilin axırlarına isə M.Eyyubovun Rusiya və Bolqarıstanda da solist kimi çıxışları olacaq. Bundan başqa о beynəlxalq müsabiqələrdə də iştirak etməyi planlaşdırır.

Rüfət Nadiroğlu

Mövqe.- 2012.- 11 aprel.- S.11.